Andrej Obrezkov

Andreo Obrezkov Андрей Анатольевич Обрезков
Bazaj informoj
Naskonomo	Andreo Obrezkov
Deveno	Rusio
Profesio	kantisto, komponisto
Aktivaj jaroj	1991?
Parencaj temoj	Esperanto-muziko
Retejo	OBRAN
Signifa instrumento
gitaro
Persona informo
Lingvoj	Esperanto
Ŝtataneco	Rusio Sovetunio
Okupo
Okupo	esperantisto

Andreo OBREZKOV (ruse Андрей Анатольевич Обрезков) estas fama rusia esperanto-kantisto. Li loĝas en la urbo Ivanovo, Rusio. Andreo Obrezkov estas lanĉanto de muzikgrupo Ekvinokso.

Andreo Obrezkov estas kolonelo de interna servo, estro de la katedro pri sociaj sciencoj en la Ivanova Instituto de la Ŝtata Kontraŭincendia Servo. Ankaŭ li estis prezidanto de Ivanova Esperanto-klubo. Andreo Obrezkov havas familion, kiu estas sufiĉe granda de rusia vidpunkto: li kaj lia edzino Jelena edukas tri filojn: Kirill, Daniil kaj Andrej, kaj nepinon. Krome dum longa tempo kun ili loĝis ilia nevo Pavel.

„ Preskaŭ tuj post esperantistiĝo mi komencis lerni ludi gitaron kaj ekposedis ĝin pli-malpli bone. De 1980 mi komencis koncertan agadon en tri lingvoj: la rusa, esperanto kaj la angla. Ekde 1988 mi komencis kanti kantojn kun mia muziko kaj iom poste ankaŭ kun miaj tekstoj. Dum kelkaj jaroj kune kun Maria Koĉetkova (Maŝeto) kaj Valerij Vorobjov ni koncertis kiel E-grupo Ekvinokso. Nun bedaŭrinde restis nur sonregistroj, kasedoj kaj ankaŭ estas KD. ” — Andreo Obrezkov

Kantoj kaj albumoj de Andreo Obrezkov

• La himno de IvERo (muziko kaj vortoj de Andrej Obrezkov)

Vidu ankaŭ

• Ekvinokso (muzikgrupo)

Eksteraj ligiloj

• OBRAN Arkivigite je 2016-03-05 per la retarkivo Wayback Machine persona paĝaro