Arako (Irano)

Ĝemelurboj
	Karagando vd

Arako · اراک
Fotomontaĵo
urbo de Irano ; urbego vd
Administrado
Lando	Irano
Provinco	Markazio
Ĝemelurboj
	Karagando vd
Telefonkodo	0861
En TTT	Oficiala retejo [+]
Demografio
Loĝantaro	520 944 (2016) [+]
Geografio
Geografia situo	34° 6′ N, 49° 42′ O (mapo)34.09549.698055555556Koordinatoj: 34° 6′ N, 49° 42′ O (mapo) [+]
Alto	1 738 m [+]
Horzono	UTC+03:30
	Arako · اراک (Irano)
	Situo de Arako · اراک
Alia projekto
	Vikimedia Komunejo Arak [+]
	v • d • r

Arak (origine perse اراک) estas metropolo, universitata urbego en Irano en Provinco Markazio (ĝi estas ties ĉefurbo). La historia nomo estis Soltanabad.

Bazaj informoj

Supermara alteco: 1 718 m
Loĝantaro: 520 944 en 2016
Horzono: UTC + 3:30; somere UTC + 4:30
Telefonkodo: (+98) 086

Geografio

Arak situas en la nordokcidenta landparto en altebenaĵo. La urbego estas ĉirkaŭita de altaj montoj. Teherano troviĝas 238 km. [1] pli proksimaj urbegoj estas Ĥomo kaj Esfahano.

Historio

Origine nomita Soltanabad, la nuntempa Arak estis fondita en 1808. Samtempe fortikaĵo kun dikaj muroj konstruiĝis. Ĝis 1892 la loko restis armea bazo kaj fortikaĵo, poste grandparte personaj posedaĵoj, finfine ŝtataj posedaĵoj inter 1918-1922. Intertempe en fino de la 19-a jarcento la loko estis grava por la tapiŝindustrio, iom poste eĉ ĝi iĝis la plej grava tapiŝocentro de Irano ĝis almenaŭ 1940. Sub regado de Reza Pahlavi la urbo estis nomita Arak kaj modernaj fabrikoj estis establitaj. Arak ankaŭ iĝis grava stacio por la trans-Irana fervojo en 1938. En 1972 ŝtata kombinato pri aluminio ekfunkciis. En 2013 2 apudaj urboj aliĝis al Arak.

Ekonomio

Kiel grava industria metropolo, Arako gastigas ŝtalajn, petrolkemiajn, aluminiajn fabrikojn, kiuj produktas preskaŭ duonon de la bezonoj de la lando. Oni produktas eĉ pezan akvon. La ĉefaj agrikulturaj produktoj estas grenoj, hordeoj, kaj fruktoj inkluzive de vinberoj, pomoj, juglandoj kaj migdaloj. Restis ankaŭ la tapiŝprodukto farita mane. En Arak 6 universitatoj funkcias. Iomete for atomcentralo funkcias.

Klimato

Arak troviĝas en kontinenta klimato, kiu estas ĝenerale relative malvarma kaj seka.La vetero estas varma kaj seka en somero, venta kaj malvarmeta en aŭtuno, malvarma kaj neĝa en vintro, kaj milda en printempo. La pluvokvanto estas jare po 346 mm. Inter junio-septembro ĝenerale ne pluvas (aŭ iomete). La jara avereĝa temperaturo estas 14 °C. Inter decembro-februaro ofte frostas, inter junio-septembro la temperaturo varias 30-40 °C.