La Spiritisma Esperanto-Renkontiĝo, mallongigo SER, estas jara evento kun la celo kunvenigi spiritistojn, kiuj estas esperantistoj. De 2006 ĝis 2023 la evento nomiĝis BRES - Brazila Renkontiĝo de Esperanto-Spiritistoj. Post 2008 SEA (tiama BAES) respondecas pri la okazigo de la evento. [1]
La unua evento (1a BRES), unue planita por okazi la 21an, 22an kaj 23an de julio, okazis prokraste de la 13a ĝis la 15a de oktobro 2006 en Ribeirão Preto, Brazilo, kun la ĉeftemo "La Spiritisma Domo kaj Esperanto". Ĝin organizis Spiritisma Centro Batuíra. Aliĝis 140 homoj el 33 brazilaj urboj el 9 subŝtatoj. Partoprenis 110. La organiza komitato konsistis el la sinjorinoj Gracinda Maria Artioli Firmino, Neusa Priscotin Mendes (MiMa) kaj Paula Cristina Medve Zulques.Uberlando prenis la respondecon realigi la laŭvican renkontiĝon en 2007.[2]
