Bukareŝto

	Bukareŝto
	rumane București
	Ĉefurbo
Flago	Blazono
	Oficiala nomo: București
	Kromnomoj: Parizo de Oriento, Malgranda Parizo
Lando	Rumanio
Regiono	ĉefurbo Bukareŝto
Sektoroj	6
Historia regiono	rumania Valaĥio
Konata loko	Parko Herăstrău
Rivero	Dâmbovița
Situo	Bukareŝto
- koordinatoj	44° 25′ 57″ N 26° 06′ 14″ O / 44.43250 °N, 26.10389 °O (mapo)
Plej alta punkto
- alteco	90 m s. m.
Plej malalta punkto
- alteco	60 m s. m.
Areo	238,0 km² (23 800 ha)
- de aglomeraĵo	285,0 km² (28 500 ha)
Loĝantaro	1 944 367 (01.01.2009)
- de aglomeraĵo	2 000 000
- de metropolo	3 090 880
Denseco	8 169,61 loĝ./km²
Unua skribmencio	1459
Urbestro	Nicușor Dan; (ekde 29-a de oktobro 2020)
Horzono	OET (UTC+2)
- somera tempo	OEST (UTC+3)
Poŝtkodo	0xxxxx
Tel. antaŭkodo	+40 x1
Aŭtokodoj	B
	Situo enkadre de Eŭropo Situo enkadre de Eŭropo
	Situo de la urbo enkadre de Rumanio Situo de la urbo enkadre de Rumanio
	Urba mapo Urba mapo
	Vikimedia Komunejo: Bucharest
	Retpaĝo: www.pmb.ro

Ne konfuzu ĉi tiun artikolon kun Budapeŝto.

Koordinatoj: 44° 25′ 57″ N 26° 06′ 14″ O / 44.43250 °N, 26.10389 °O (mapo)

Bukareŝto^[1] (rumane București [bukuREŜTJ] [buku'reʃtʲ]) estas la ĉefurbo de Rumanio.

Kun 1 921 753 loĝantoj laŭ la censo de 2002 kaj kun areo de 228 km² ĝi estas la plej granda urbo de la lando, kaj ĝia industria kaj komerca centro. Kun siaj antaŭurboj ĝi havas 2,3 – 2,4 milionojn da loĝantoj.

Laŭ la stato de 2021 en Bukareŝto vivis 1 716 961 loĝantoj sur areo de 226 kvadrataj kilometroj, kio rezultigas loĝdenson de 7 597 loĝantoj/km².

Geografio

Bukareŝto situas je 26,1° de orienta longitudo kaj 44,4° de norda latitudo. Ĝia tempo estas du horojn antaŭ UTC, somere tri. Ĝi situas en 50-kilometra distanco de la rivero Danubo, trafluas ĝin la rivero Dâmbovița [dımboVIca] [ˈdɨmbovit͡sa]. Ĝi estas ĉirkaŭata de distrikto Ilfov.

Historio

Laŭ duba legendo paŝtisto Bucur fondis la urbon. La unua dokumenta mencio de Bukareŝto okazis en la jaro 1459. En 1465 la princo Radu cel Frumos havis tie rezidejon. En 1559 kortego kaj impona preĝejo konstruiĝis. En 1659 Gheorge Ghica igis ĝin ĉefurbo de Valaĥio. En 1661 la unua pavimita strato konstruiĝis, en 1694 altlernejo fondiĝis. En 1812 pakto okazis inter turkoj kaj rusoj. En 1847 pro incendio unu triono de la urbo cindriĝis. Nur en 1861 ĝi iĝis ĉefurbo de Rumanio, formita el la unuiĝo de Valaĥio kaj Moldavio. En 1869 stacidomo, en 1872 tramo, en 1912 flughaveno ekfunkciis. En 1916 la germanoj okupis la urbon. Dum la 2-a mondmilito fronto ne estis en la ĉefurbo. En 1977 tertremo okazis, La unua Radio Libera Eŭropo helpis en komunikado de la travivantoj. En 1989 revolucio okazis kun pafadoj.

Klimato

Bukareŝto havas kontinentan klimaton. Jare pluvas po 595mm (en ĉiuj monatoj pluvas, vintre foje neĝas). La temperaturo estas somere 23 °C, vintre proksimume ĉe frostopunkto.