Madagaskara serpentaglo
 | ||||||||||||||
|---|---|---|---|---|---|---|---|---|---|---|---|---|---|---|
 Madagaskara serpentaglo
| ||||||||||||||
| Biologia klasado | ||||||||||||||
| ||||||||||||||
| Eutriorchis astur (Sharpe, 1875) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Madagaskara serpentaglo (Eutriorchis astur) estas specio de rabobirdo de la familio de Akcipitredoj kaj grupo de Serpentagloj. Ĝi estas monotipa ene de la genro Eutriorchis. Ĝi estas endemia de Madagaskaro.[1]
Ties natura biotopo estas subtropikaj aŭ tropikaj humidaj arbaroj de malaltaj teroj. Ĝi estas minacata pro habitatoperdo.
Aspekto
[redakti | redakti fonton]La Madagaskara serpentaglo estas mezgranda rabobirdo kun longa rondoforma vosto kaj mallongaj rondoformaj flugiloj.[2] Ĝi estas malhelgriza en dorso kaj helgriza en ventro, brusto kaj gorĝo.[2] Malhelaj strioj kovras la birdan korpon. Ĝi havas flavajn okulojn, akran hokoforman bekon kaj fortaj ungoj.[2]
Distribuado kaj vivejo
[redakti | redakti fonton]Tiu birdo loĝas en densaj, humidaj, kaj larĝafoliaj ĉiamverdaj arbaroj de nordorienta kaj orientacentra Madagaskaro. Ĝi rare iras super 550 m.[2]
Ekologio kaj kutimaro
[redakti | redakti fonton]Tiu serpentaglo estas dumtaga. Ili manĝas serpentojn, lacertojn kaj ranojn, kiujn ili ĉasas el altaj ripozejoj, el kiuj ili saltas sur la predojn, kiujn ili kaptas per ungoj.[2]
Konservado
[redakti | redakti fonton]Tiu afrotropisa specio estis supozata formortinta, kaj la lasta konfirmata vidaĵo el 1930.[2] Tamen vidaĵoj de 1977 kaj 1988 kondukis al espero por la remalkovro de la specio.[2] Ĝi estis remalkovrata en 1993 fare de la Peregrine Fund.
La specio estis minacata pro la detruo de ties specializata biotopo kaj havas supozeble malaltan indicon de reproduktado.[2]
Etimologio
[redakti | redakti fonton]La prefikso eu- estas greka por "bona". Triorchis estas latinigo (Plinio la Maljuna)[3] de la greka triórkhēs (τριόρχης), kiun Aristotelo kaj Teofrasto uzis por tipo de akcipitro, eble por la Komuna buteo. La greka vorto signifas "kiu havas tri testikojn".[4] Tiu erara koncepto de anatomio konektas kun la facila miskompreno de la birda surrena glando kiel testiko.[5]
Astur estas latina por tipo de akcipitro.[6]
Referencoj
[redakti | redakti fonton]- ↑ BirdLife International 2004. Eutriorchis astur[rompita ligilo]. 2006 IUCN Ruĝa Listo de Minacataj Specioj. Konsultita la 24an de julio 2007.
- ↑ 2,0 2,1 2,2 2,3 2,4 2,5 2,6 2,7 Madagascar Serpent Eagle, The Official World Wildlife Fund Guide to Extinct Species of Modern Times, volumo 1, paĝoj 13–14, Beacham Publishing, 1997.
- ↑ Plinio la Maljuna, Historia Naturalis, Book 10, Chapters 9, 95, 96. angla traduko el Perseus Digital Library. Ambaŭ konsultita la 16an de nov, 2007.
- ↑ Liddell, Henry George; Scott, Robert (1940), A Greek-English Lexicon, http://www.perseus.tufts.edu/cgi-bin/ptext?doc=Perseus%3Atext%3A1999.04.0057%3Aentry%3D%23105095, retrieved 2007-11-15
- ↑ Fisher, Peter; Higgins, Humphrey (translators) (1998), Olaus Magnus: A Description of the Northern Peoples, 1555, Societo Hakluyt, p. 1011n, (ISBN 090418059X), http://books.google.com/?id=iMQMAAAAYAAJ, retrieved 2007-11-15[rompita ligilo].
- ↑ Lewis, Charlton T.; Short, Charles (1897), A Latin Dictionary, http://www.perseus.tufts.edu/cgi-bin/ptext?doc=Perseus%3Atext%3A1999.04.0059%3Aentry%3D%234196, retrieved 2009-01-15
Eksteraj ligiloj
[redakti | redakti fonton]
- BirdLife Species Factsheet. Arkivigite je 2009-01-03 per la retarkivo Wayback Machine
- Bildo de kaptiva birdo Arkivigite je 2011-05-26 per la retarkivo Wayback Machine
| ||||||||||||||||||