Hägendorf
|
Por samtitola artikolo vidu la paĝon Hägendorf (stacidomo). |
| Hägendorf | |
|---|---|
 | |
| Blazono de Hägendorf | |
 | |
| Katolika preĝejo de Hägendorf | |
| komunumo en Svislando | |
| Kantono | Soloturno |
| Distrikto | Olten |
| Geografia situo | CH1903: 630673 / 242730 (mapo)47.3347222222227.8444444444444Koordinatoj: 47° 20′ N, 7° 51′ O; CH1903: 630673 / 242730 (mapo) |
|
| |
| Nombro de loĝantoj | 4580 |
| Areo | 13,87 km² |
| Alteco | 434 m super marnivelo |
| Poŝtkodo | 4614 |
| Komunumkodo | 2579 |
 | |
| Mapo de Hägendorf | |
Hägendorf estas komunumo en la distrikto Olten en Kantono Soloturno, Svislando. Ĝi havis 4 580 loĝantojn je la 31-a de decembro 2010.
Geografio
[redakti | redakti fonton]Hägendorf situas en la ebenaĵo de la rivero Dünnern sude de la Soloturna Ĵuraso. La rivero Dünnern formas la sudan limon de la komunumo. En nordo la komunuma teritorio etendiĝas ĝis al la kresto de la Ĵuraso. La rivereto Cholersbach, kiu en Hägendorf alfluas al Dünnern formas norde de la vilaĝo impresan ravinon, la tiel nomitan Diablan Ravinon (germane Teufelsschlucht aŭ alemane Tüffelsschlucht). Krom la ĉefvilaĝo Hägendorf apartenas al la komunumo en okcidento la industria setlejo Im Bifang, kaj norde la setlejoj Eggberg, Heiligacher kaj Allerheiligenberg, kie situas montara kliniko, Vogelberg (urbeca kvartalo norde de Hägendorf), kaj Homberg (konsistanta el diversaj biengrupoj ĉe la suda deklivo de la samnoma monto).
Najbaraj komunumoj
[redakti | redakti fonton]La komunumo Hägendorf limas en nordo al Eptingen (BL), en nordoriento al Hauenstein-Ifenthal, en oriento al Rickenbach, en sudoriento al Kappel, en sudo al Gunzgen, en sudokcidento al Egerkingen, kaj en nordokcidento al Langenbruck (BL).
Trafiko
[redakti | redakti fonton]Hägendorf disponas pri bonaj trafikkonektoj. Tra la komunumo pasas la kantona ĉefvojo n-ro 5 de Olten al Soloturno. Ĉe la okcidenta komunumlimo pasas la svisa aŭtovojo A5, al kiu ĝi 2 kilometrojn okcidente de la vilaĝocentro en Egerkingen havas la plej proksiman alveturejon. La komunumo situas ĉe la fervojlinio de Zuriko tra Olten kaj Soloturno al Bielo, ĉe kiu ĝi disponas pri stacidomo. Krome cirkulas tra la komunumo busoj de Egerkingen al Olten.
Historio
[redakti | redakti fonton]La unua dokumenta mencio de Hägendorf datiĝas el la jaro 1036 kiel Hagendorf. En la jaro 1336 la Monaĥejo Sankt Urban akiris la vilaĝon Hägendorf de la grafoj de Froburgo. En la jaro 1546 ĝin aĉetis la urbo Soloturno. [1]
Notoj kaj referencoj
[redakti | redakti fonton]Vidu ankaŭ
[redakti | redakti fonton]Eksteraj ligiloj
[redakti | redakti fonton]Bildoj
[redakti | redakti fonton]-
Katolika preĝejo de interne -
Puto antaŭ la preĝejo -
Viadukto de svisa aŭtovojo A2 trans la Diabloravino -
Industria kvartalo "Im Bifang" -
Trafikcirklo kun diablo indikante la vojon al la Diabloravino -
Picejo Florina, kie manĝeblas la plej bonaj picoj de la regionoj -
Loĝdomo kun sunergipaneloj
