Johano el Glogovo
| Johano el Glogovo | ||
|---|---|---|
.jpg)
| ||
| Persona informo | ||
| Jan z Głogowa | ||
| Naskiĝo | ĉ. 1445 en Głogów | |
| Morto | 11-an de februaro 1507 en Krakovo | |
| Lingvoj | pola vd | |
| Ŝtataneco | Pollando  vd
| |
| Alma mater | Jagelona Universitato vd
| |
| Profesio | ||
| Okupo | matematikisto universitata instruisto astronomo filozofo geografo vd
| |
| Laborkampo | Matematiko, medicino kaj pedagogio vd
| |
| vd | Fonto: Vikidatumoj | |
Johano el Glogovo, pole Jan z Głogowa (naskiĝis ĉ. 1445 en Glogovo, mortis la 11-an de februaro 1507 en Krakovo) estis pola filozofo, astronomo, astrologo, matematikisto kaj geografiisto.
Li devenis de riĉa familio Schelling, kiu setlis en Silezio, sed neniam uzis ties nomon, mem subskribiĝante kiel Johannes Glogoviensis, Glogerus, de Glogovia aŭ Glogowita. En 1468 li finis Krakovan Akademion kiel Magister Artium – ekvivalento al doktoro pri filozofio – kaj fariĝis ĉi tie lekciisto. Dum 40 jaroj lekciis latinon, filozofion de Aristotelo kaj astronomion. Verkis 60 librojn, ĉefe pri astronomio kaj astrologio, publikigitajn dum lia vivo, postmorte kaj restantaj en manuskriptoj. Lia spekulativa gramatiko estis studata dum la tuta 16-a jarcento. Notindas liaj logikaj traktaĵoj, prilaboraĵoj pri naturfilozofio kaj metafiziko, verkoj pri fizionomiko kaj matematiko, astrologiaj kalendaroj. Li verkis geografian komentarion al Ptolemea kosmografio kaj komencis grandan Summa astrologica. Famiĝis pro antaŭdiraĵo pri nigra monaĥo, kiu enkondukos grandan konfuzon en la kristana mondo. Oni poste identigis lin kun Marteno Lutero.
Li mortis pro apopleksio kaj estis enterigita en preĝejo de Sankta Floriano en Krakovo, kie li dum la lastaj vivojaroj estis kanoniko. Lia disĉiplo estis i.a. Nikolao Koperniko.
Verkaro
[redakti | redakti fonton]- Michał Urbanowski, Indeks ważniejszych dzieł Głogowczyka wg Hieronima Szczegóły, 2003 Arkivigite je 2011-01-17 per la retarkivo Wayback Machine - listo de 32 verkoj laŭ fakoj: gramatikaj (4), logikaj (8), metafizikaj kune kun naturfilozofiaj (7), astrologiaj kaj prognozaj (7), astronomiaj (5), geografiaj (1).