Junio de 2008

Jen listo de okazaĵoj en junio 2008.

30-a junio

La hispana teamo gajnis finalan ludon de futbala eŭropa-ĉampionado en Vieno kontraŭ tiu de Germanio per 1:0.

Nord-Koreio publikigis ke ĝi detruis malvarmig-turon de nuklea centralo en Jongbjono.
En Londono okazis koncerto pro la 90-jariĝo de Nelson Mandela.

Germanio memorfestas la 60-an datrevenon de la tielnomata berlina aerponto, kiam la okcidentaj alianculoj provizis la urbon malgraŭ sovetia blokado. Veteranoj de la tiama aertransportado, el kiuj multaj nun havas inter 80 kaj 90 jarojn, ĉeestis ceremoniojn en Berlino kaj Frankfurto. La usona kaj brita aerponto daŭris dum pli ol unu jaro, kaj okupis centojn da aviadiloj kiuj liveris ĉiom, de karbo al sukeraĵoj.

Almenaŭ 160 homoj mortis kaj multe pli da ili forestas post kiam la tajfuno Fengshen frapis la sudajn Filipinojn, kaŭzante terurajn inundojn kaj terfalaĵojn. Miloj da homoj estis evakuitaj de la zono trafita de la tajfuno. Ekblovoj de 170 kilometrojn hore kaŭzis multajn difektojn en sudaj kaj centraj regionoj.

Václav Klaus uzis la vorton "Esperanto" kiel metaforon por io nesukcesa kaj nevivipova, en intervjuo de gazeto Lidové noviny [1]

Per sia subskribo la prezidento Fatmir Sejdiu ekvalidigis la unuan konstitucion de Kosovo, nur kvar monatojn post la deklaracio de sendependeco.

Okazis tertremo kies surcentro estas en la suda parto de Iŭate je l.t. 08:43. Oni registris shindo 6+ en Oŝu en Iŭate kaj Kurihara en Mijagi. JMA publikigis ke ĝia hipocentro troviĝis 10 km sub la marsurfaco, ĝia forto estis 7.0 sur la skalo de Richter.[2]^{[rompita ligilo]}
En Zaragozo la hispana reĝo Johano Karlo la 1-a komencas internacian ekspozicion 2008, kies devizo tekstas "Akvo kaj daŭre efika disvolviĝo". Reprezentas sin 105 landoj per pavilonoj kaj eksponaĵoj.
Post du semajnoj la usona kosmopramo Discovery sekure revenis sur la Teron. Ĝi laŭplane surteriĝis en la Kosmocentro Kennedy de Kabo Kanaveralo en Florido. Interalie la pramo transportis japanan esplorlaboratorion "Kibō" al la Internacia Kosmostacio.

Sombra vendredo por la EU! La irlandanoj voĉdonis pri la lisbona reform-traktato de Eŭropa Unio, kiel nura nacio de la EU-membraj ŝtatoj. Ili malakceptis (53,6 %) kaj faligas Eŭropan Union en krizon de ĝia reformagado.

Pollando: Sejmo unuanime proklamis rezolucion, kiu omaĝas la 100-jariĝon de UEA. La parlamento emfazis la "rekonvortojn al la daŭrigantoj de la verko de Ludoviko Zamenhof" kaj "subtenas la klopodon honorigi la Universalan Esperanto-Asocion per Nobel-pacpremio".

Kamiono intence senbremse koliziis kun 3 promenantoj, post kio la ŝoforo mortigis 7 promenantojn kaj vundis pli ol 10 aliajn per tranĉilo surstrate en Akihabara en la Ĉijoda-kvartalo en Tokia Metropolo (Japanio). (Akihabara hombuĉado)

Solena festado okazis en Parizo omaĝe al 10-jariĝo de la populara Linuksa distribuaĵo Mandriva. Mandriva, antaŭe nomita Mandrake, estis inter la unuaj distribuaĵoj orientitaj al "simplaj uzantoj".

Pro rekorda en historio pligrandigo de kosto de nafto daŭris strikoj de transportistoj en Portugalio, Hispanio, Francio, Italio, Pollando kaj en Hindio kaj Nepalo okazis bataloj kun polico.