Baseno de Călățele (rumaneDepresiunea Călățele aŭ Țara Călatei, hungareKalotaszeg [kalotaseg]) estas historia-etnografia regiono en Rumanio, en Baseno de Transilvanio okcidente de Cluj-Napoca. Apartenas al ĝi 40 komunumoj loĝataj plejparte de katolikaj hungaroj (sole Leghia kaj Baciu (Cluj) estas reformitaj komunumoj). La centro de la regiono estas la urbo Huedin. Ĝi apartenas al tiuj regionoj de Transilvanio, kie la hungaroj plej frue koloniiĝis. En la 16-a kaj 17-a jarcentoj la regiono suferis multe de militoj. Ĝia popolarto estas tre riĉa kaj havis grandan influon sur la hungaran industriarton en la komenco de la 20-a jarcento. Por la popularigo de la tiea popolkulturo faris multe Zsigmondné Gyarmathy, Etelka Hóry (1843–1910). Béla Bartók kolektis tie en 1907 kaj 1910 preskaŭ 100 tekstajn kaj instrumentajn popolmelodiojn.
