Bedano

Bedano
	Blazono de Bedano
	Blazono de Bedano
	Bedano fotita el la trajno de Belinzono al Lugano
	Bedano fotita el la trajno de Belinzono al Lugano
Kantono	Tiĉino
Distrikto	Lugano
Komunumaro	Taverne
Koordinatoj	46° 3′ 7″ N 8° 55′ 25″ O / 46.05194 °N, 8.92361 °O (mapo)Koordinatoj: 46° 3′ 7″ N 8° 55′ 25″ O / 46.05194 °N, 8.92361 °O (mapo)
Nombro de loĝantoj	1471
Areo	1,87 km²
Alteco	387 m super marnivelo
Poŝtkodo	6930
Komunumkodo	5148
	Mapo de Bedano
	Mapo de Bedano

Bedano estas komunumo de la komunumaro Taverne kaj la distrikto Lugano en Kantono Tiĉino, Svislando. Ĝi havis 1471 loĝantojn je la 31-a de decembro 2011.

Geografio

Bedano situas nordokcicente de la urbo Lugano ĉe la okcidenta bordo de la rivero Vedeggio. La komunumo konsistas el la partoj Bedano, Chioso, Gerra kaj Mara.^[1]

La teritorio de la komunumo etendiĝas sur areo de 1,87 km², de kiuj 51,6% estas kovritaj de arbaro, 14,6% servas por agrikulturo kaj 29,7% por setlado. ^[2]

Najbaraj komunumoj

La komunumo Bedano limas en nordo al Torricella-Taverne, en oriento al Lamone, en sudo al Gravesano, kaj en okcidento al Alto Malcantone.

Trafiko

Tra Bedano pasas la malnova vojo de Ponte Tresa al la montopasejo Monte Ceneri, kiu estas paralela vojo al la kantona ĉefvojo n-ro 2, kiu pasas oriente de la rivero Vedeggio laŭlonge de la komunumlimo. Tra la komunuma teritorio pasas ankaŭ la svisa aŭtovojo A2, kies alveturejo Lugano-Nordo situas proksimume 2 kilometrojn sude de la komunumo. Pere de buslinio de Torricella al Lugano de la loka busreto de la urbo Lugano la komunumo estas konektita al la publika transportreto. La komunumo disponas ankaŭ pri industriaj reloj al la Gotardo-Fervojo.

Historio

La unua dokumenta mencio de Bedano datiĝas el la jaro 793 kiel Vico Bedani.^[3] Dum mezepoko Bedano apartenis al la jurisdikcio de la Monaĥejo Sank Ambrogio en Milano, dum la interezrajto apartenis al la episkopo de Como. Post la konkero fare de la Svisa Ĵurkomunumo en la 15-a jarcento, Bedano apartenis al la kamparo de Lugano.^[4]