Muzeo de la Riga Geto

Muzeo de la Riga Geto
muzeo
Lando	Latvio vd
Situo	Rigo
Estiĝo	2010
Koordinatoj	56° 56′ 28″ N, 24° 7′ 0″ O (mapo)56.941124.1167Koordinatoj: 56° 56′ 28″ N, 24° 7′ 0″ O (mapo)
Muzeo de la Riga Geto (Rigo)
Muzeo de la Riga Geto (Centra Rigo)
	Muzeo de la Riga Geto
	v • d • r

La Riga Geto-muzeo aŭ plennome Riga Geto kaj Latvia Holokaŭsta Muzeo (litove Rīgas geto muzejs aŭ Rīgas Geto un Latvijas Holokausta muzejs) estas historia muzeo situanta ĉe la limo de la Moskva antaŭurbo en la sudorienta parto de Rigo kaj havas plurajn konstantajn ekspoziciojn rakontantajn pri la vivo de judoj dum Dua Mondmilito kaj en la antaŭmilitaj jaroj ^[1].

Malfermita la 21-an de septembro 2010, ĝi estas unu el la plej novaj muzeoj en Rigo. Ĝi estas la dua geta muzeo en la postsovetiaj landoj (la unua estas en Varsovio). Eniro al la muzeo estas senpaga.

La muzeo situas apud la limo de la iama geto, en la historia Riga Centra Merkato, ĉe la adreso strato Lastādijas 14a, enirejo de la riverdigo kaj de la angulo de Lastadijas kaj Vilhelma Purviša. La konstruaĵaro de la Riga geto estas preskaŭ la nura kiu ne spertis arkitekturajn ŝanĝojn ekde la getoperiodo.

Priskribo

Dum Holokaŭsto, pli ol 70 000 latvaj judoj kaj proksimume 20,000 judoj de mezeŭropaj landoj: Germanio, Ĉeĥio, Aŭstrio, Hungario, kaj Litovio estis mortigitaj en Latvio.

La koncepto de la muzeo estas krei specialan ekspoziciejon celantan lerni pri latva historio por vasta publiko de homoj, kaj en Latvio kaj eksterlandaj gastoj. La ekspozicioj ankaŭ kovras la religiajn tradiciojn de judoj en Latvio, ilian kontribuon al la lukto por latva sendependeco (1991) kaj ilian rolon en eduko kaj kulturo.

En la ĉefa korto kaj la unua etaĝo estas standoj enhavantaj la nomojn de pli ol 70 000 latvaj judaj viktimoj de la holokaŭsto. Tiuj standoj estas elmontritaj sur terpeco pavimita per pavimŝtonoj alportitaj de la stratoj de la Riga geto. La muzeo ankaŭ prezentas foto-ekspozicion dediĉitan al la holokaŭsto en Latvio, antisemita propagando, kaj la rezista movado.

La muzeo enhavas la Internacian Toleran Centron, kiu celas kaŭzi repaciĝon inter nacioj.