Prezidanto de Germanio

Frank-Walter Steinmeier
Federacia Prezidanto de Germanio
Komenco de oficeco	19-a de marto 2017
Kanceliero	Angela Merkel
Antaŭulo	Joachim Gauck
Biografiaj datoj
Naskiĝo	5-a de januaro 1956 Detmold
Nacieco	Germanio
Vidu ankaŭ biografian portalon

Kastelo Bellevue en Berlino, sidejo de la Federacia Prezidanto

La Federacia Prezidanto de Germanio estas la ŝtatestro de Germanio, sed li ne estras la registaron (tiun estras la kanceliero). Kvankam li ne havas grandan potencon, li reprezentas la landon kaj subskribas la leĝojn.

Vilao Hammerschmidt en Bonno

La prezidanto estas elektata por kvin jaroj de la Federacia Kunveno, komuna asembleo, kiu konsistas el la membroj de la Bundestag kaj el egala nombro de membroj elektitaj de la parlamentoj de la federaciaj landoj (Landtage). En 2004 estis elektita Horst Köhler, kiu abdikis la 31-an de majo 2010. Ĝis elektiĝo de nova prezidanto oficos komisare la prezidanto de la Federacia Konsilio.

Inter la jaroj 1949 kaj 1999 la prezidantoj de Germanio havis formalan sidejon en la klasikisma Kastelo Bellevue en (okcidenta) Berlino, sed la fakta sidejo estis la same klasikisma vilao Hammerschmidt en Bonno. Ekde 1999 la kastelo en Berlino estas la unua kaj la vilao en Bonno nur la dua sidejo.

Pli detalaj informoj troveblas en artikolo Listo de prezidantoj de Germanio.

Prezidantoj ekde 1949

Prezidantoj de la Federacia Respubliko Germanio
	nomo (naskiĝo - morto)	partio	ekofico	fino de la ofico	baloto(j)
1	Theodor Heuss (1884–1963)	FDP	13-a de septembro 1949	12-a de septembro 1959	1949/54
2	Heinrich Lübke (1894–1972)	CDU	13-a de septembro 1959	30-a de junio 1969	1959/64
3	Gustav Heinemann (1899–1976)	SPD	1-a de julio 1969	30-a de junio 1974	1969
4	Walter Scheel (1919–2016)	FDP	1-a de julio 1974	30-a de junio 1979	1974
5	Karl Carstens (1914–1992)	CDU	1-a de julio 1979	30-a de junio 1984	1979
6	Richard von Weizsäcker (1920–2015)	CDU	1-a de julio 1984	30-a de junio 1994	1984/89
7	Roman Herzog (1934–2017)	CDU	1-a de julio 1994	30-a de junio 1999	1994
8	Johannes Rau (1931–2006)	SPD	1-a de julio 1999	30-a de junio 2004	1999
9	Horst Köhler (* 1943)	CDU	1-a de julio 2004	30-a de junio 2010	2004/09
10	Christian Wulff (* 1959)	CDU	1-a de julio 2010	17-a de februaro 2012	2010
11	Joachim Gauck (* 1940)	senpartia	18-a de marto 2012	18-a de marto 2017	2012
12	Frank-Walter Steinmeier (* 1956)	SPD	19-a de marto 2017	-	2017

Ekde la 17-a de februaro 2012 (demisio de Christian Wulff) ĝis marto 2012 (elekto de lia posteulo) la ofico vakis. Kiel anstataŭanto servis dume Horst Seehofer, prezidanto de la Federacia Konsilio.

Kiel nova Prezidanto de Germanio estis elektita pastro Joachim Gauck, kiu havas oficialan subtenon de preskaŭ ĉiuj gravaj politikaj partioj kaj tial grandan ŝancon iĝi elektita.