Prezidanto de Alĝerio

Prezidanto de Alĝerio
Abdelmaĝid Tebbun
pozicio
prezidanto • ŝtatestro
Komenco	15-a de septembro 1963 vd
Lando(j)	Alĝerio vd
Retejo	Oficiala retejo

La Prezidanto de Alĝerio estas la ŝtatestro kaj ĉefa plenumestro de Alĝerio, same kiel la ĉefkomandanto de la Alĝeria Armeo.

Historio de la posteno

La Tripolia Programo, kiu servis kiel konstitucio de Alĝerio kiam ĝi venkis en sia milito pro la sendependeco el Francio en 1962, establis la Prezidanton kiel ŝtatestro kun Ĉefministro helpanta en la funkcio de registaro. Interna politika manovrado rezultis en nova konstitucio en 1963 kiu abolis la postenon de Ĉefministro kaj redonis ĉian plenuman povon al la posteno de la Prezidanto. Por la unuaj kvar jardekoj de sendependeco la registaro estis kontrolita kiel unu-partia ŝtato fare de la Naciliberiga Fronto aŭ FLN. La prezidenteco estis tenita de sukcedo de membroj de la FLN; Ahmed Ben Bella, Houari Boumédienne kaj Chadli Bendjedid. La konstitucio verkita en 1976 retenis la plenuman povon de la Prezidenteco, sed la modifoj de 1979 malhavigis la statuson de ĉefministro el la posteno.

Ĉirkaŭ la fino de la 1980-aj jaroj estis malfermigo de la reĝimo de la FLN. Tamen, kiam la Islama Savofronto venkis en parlamenta balotado en 1991, la militistaro devigis Chadli Bendjedid dissolvi la parlamenton kaj rezigni la 11an de Januaro 1992. La militistaro deklaris alarmo-staton kaj kaptis la regadon de la lando, establis kvin-membran Altan Konsilion de Ŝtato. La konsilio nomumis Prezidanton, Muhammad Boudiaf, por enposteniĝi dum tri-jara regotempo por faciligi transdonon reen al normala balotado por la posteno. Tamen Boudiaf estis murdita, kaj sukcedita de Ali Kafi. Dume la lando descendis en periodon de enlanda milito, inter la militista registaro kaj la islamaj geriloj. Kafi estis anstataŭita en 1994 de Liamine Zéroual, kiu alvokis al la unua el tiuj elektoj en 1995, venkante por la kvin-jara regotempo facile en disputata elekto dum la enlanda milito estis daŭranta. Li alvokis al alia frua elekto en 1999, kun la islama insurekciularo ĉefe subpremita. Abdelaziz Bouteflika venkis en tiu elekto, post la aliaj kandidatoj forfalis. Li venkis la 8an de aprilo 2004, denove en 2009 kaj relative sendefie en 2014; lia regotempo finas en 2019.

Lasta balotado

Kandidato		Partio	Voĉdonoj	%
	Abdelaziz Bouteflika	Naciliberiga Fronto	8,332,598	81.53
	Ali Benflis	Sendependa	1,244,918	12.18
	Abdelaziz Belaid	Fronto por la Estonteco	343,624	3.36
	Louisa Hanoune	Partio de la Laboristoj	140,253	1.37
	Ali Fawzi Rebaine	Ahd 54	101,046	0.99
	Moussa Touati	Alĝeria Nacia Fronto	57,590	0.56
Nevalidaj/blankaj voĉdonantoj			1,087,449	–
Totalo			11,307,478	100
Registritaj voĉdonantoj/rezulto			21,871,393	51.70
Source: Ministerio de Internaj Aferoj Arkivigite je 2014-04-22 per la retarkivo Wayback Machine

Listo de alĝeriaj ŝtatestroj

Nomo	Regado	Titolo
Abdur Rahman Farès	julio – augusto 1962	Prezidanto en la provizora reganta konsilio
Ferhat Abbas	septembro 1962 – septembro 1963	Prezidanto en la provizora registaro
Ahmed Ben Bella	septembro 1963 – junio 1965	Prezidanto
Houari Boumédiènne	junio 1965 – decembro 1976	Prezidanto en la revolucia konsilio
Houari Boumédiènne	decembro 1976 – decembro 1978	Prezidanto
Rabah Bitat	decembro 1978 – februaro 1979	Intera prezidanto
Chadli Bendjedid	februaro 1979 – januaro 1992	Prezidanto
Mohamed Boudiaf	januaro – junio 1992	Estro en la ŝtata gvida konsilio
Ali Kafi	junio 1992 – januaro 1994	Estro en la ŝtata gvida konsilio
Liamine Zéroual	januaro 1994 – aprilo 1999	Ŝtatestro
Abdelaziz Bouteflika	aprilo 1999 – aprilo 2019
Abdelkader Bensalah	aprilo 2019 – decembro 2019	intera
Abdelmadjid Tebboune	decembro 2019 –

Eksteraj ligiloj

• Oficiala retejo Arkivigite je 2009-07-21 per la retarkivo Wayback Machine