Ponta kverko

Kiel legi la taksonomion Ponta kverko
Folioj de ponta kverko
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonaj Magnoliopsida Ordo: Fagaloj Fagales Familio: Fagacoj Fagaceae Genro: Kverko Quercus Sekcio: Mesobalanus
Dunomo
Quercus pontica K.Koch
Aliaj Vikimediaj projektoj

La ponta kverko (Quercus pontica) estas specio de kverko hejma en okcidenta Kaŭkazo, la montaroj de Kartvelujo kaj nordorienta Turkujo kaj Armenujo, kie ĝi vegetas je altitudoj de 1 300-2 100 metroj.

Priskribo

Ĝi estas decidua arbeto aŭ granda arbedo kiu atingas altecon de 6-10 metroj, kaj havas trunkodiametron ĝis 40 cm. La branĉoj estas malmultnombraj sed dikaj. La arboŝelo estas griza al purpura-bruna, glata ĉe junaj arboj sed estiĝanta malglata kiam la arboj maljunaĝas. Ĝiaj folioj longas 10–20 cm (malofte 35 cm) kaj larĝas 4-15, estas ovalaj kun segiligita rando kun multaj etaj pintaj dentoj. La folioj estas harkovrataj kiam ili estas junaj, sed iĝas pli glataj kiam ili maljunaĝas. Poste ili estiĝas hele verdaj kaj aŭtune flav-brunaj. La infloreskoj estas amentoj, la masklaj amentoj longas 5–20 cm. La fruktoj estas grandaj glanoj kiuj longas 2,5–4 cm, kaj kiuj estas arigataj 2-5-ope.

Kultivado

Tiu palearktisa specio okaze estas kultivata kiel ornama arbo en Nordeŭropo.

Bibliografio

• angle Rushforth, K. D. Trees of Britain and Europe. Collins.
• angle Coombes, A. J. Trees. Eyewitness Handbooks.

Vidu ankaŭ

• Kaŭkaza biodiverseco-varmpunkto

Eksteraj ligiloj

• angle Ornamentaj plantoj de Rusujo: Quercus pontica

• 
  Ponta kverko en sia natura medio
• 
  Pont-kverka arbido
• 
  Amentoj