Ventokaptilo
![](http://upload.wikimedia.org/wikipedia/commons/thumb/d/d8/Jard%C3%ADn_de_Dolat-Abad%2C_Yazd%2C_Ir%C3%A1n%2C_2016-09-21%2C_DD_34.jpg/270px-Jard%C3%ADn_de_Dolat-Abad%2C_Yazd%2C_Ir%C3%A1n%2C_2016-09-21%2C_DD_34.jpg)
Ventokaptilo, iam nomata ventoturo, estas vertikala strukturo en konstruaĵoj (privataj aŭ publikaj) por enkonduki venton en la internon de la konstruaĵo por malvarmigi kaj desekigi la enajn spacojn.
Probable ĝi – kiel kanato (karizo), subtera akvokanalo por alkonduki akvon de ĝia fonto al foraj lokoj en sekaj regionoj por tiea utiligado – estis inventita en dezertaj partoj de la antikva Persa Imperio por malvarmigi la internajn spacojn dum la varmegaj tagoj per naturaj rimedoj.
![](http://upload.wikimedia.org/wikipedia/commons/thumb/3/32/%D8%A8%D8%A7%D8%AF%DA%AF%DB%8C%D8%B1_%DA%86%D9%BE%D9%82%DB%8C_%DB%B1.jpg/360px-%D8%A8%D8%A7%D8%AF%DA%AF%DB%8C%D8%B1_%DA%86%D9%BE%D9%82%DB%8C_%DB%B1.jpg)
Por purigi la enkondukitan vent-aeron je la polveroj de saharaj ventoj, ekzistas akvobaseno ĝuste sub la vertikala kanalo de la ventokaptilo, tiel ke rezulte de kontraŭ-frapiĝo de la vento al la akvosurfaco, la polveroj absorbiĝas en la akvon kaj la purigita, humidigita kaj malvarmigita vento eniras la internajn spacojn de la konstruaĵo.