Imre Révész (pentristo)

Imre Révész
Persona informo
Naskiĝo	21-an de januaro 1859; en Sátoraljaújhely
Morto	3-an de februaro 1945 (86-jaraĝa); en Vinohradiv
Tombo	Vinohradiv
Ŝtataneco	Hungario
Alma mater	Akademio de Belartoj de Vieno (–1879)
Okupo
Okupo	pentristo
	v • d • r

Imre Révész [rEvEs], laŭ hungarlingve kutima nomordo Révész Imre estis hungara pentristo, grafikisto. Lia familia nomo estis Csebrai [ĉebrai] ĝis 1883.

Imre Révész [1]^{[rompita ligilo]} naskiĝis la 21-an de januaro 1859 en Sátoraljaújhely, li mortis la 3-an de februaro 1945 en Sovetunio en Vinogradov (nuntempa Vinohradiv en Ukrainio).

Biografio[redakti | redakti fonton]

Imre Révész frekventis gimnazion en Debrecen, poste inter 1873-1875 en arta akademio en Vieno. En la studjaro 1878 li lernis en Belarta Altlernejo de Budapeŝto de Bertalan Székely, poste li denove lernis en Vieno en la akademio 3 jarojn. Lia debuta ekspozicio okazis en la fruaj 1880-aj jaroj en Budapeŝto. Inter 1882 kaj 1885 li lernis rekte de Mihály Munkácsy en Parizo. En 1884 li edziĝis, baldaŭ li havis 2 filinojn. Ekde 1904 li instruis en la Belarta Altlernejo, en 1918 en Artistkolonio (Nagybánya), inter 1920-1931 en Artistkolonio (Kecskemét). En la sekvaj jaroj li retiriĝis pro malbona stato de siaj okuloj.