Jeb Bush

Jeb Bush
Persona informo
Jeb Bush
Naskonomo	John Ellis Bush
Naskiĝo	11-an de februaro 1953 (1953-02-11) (71-jaraĝa) en Midland
Religio	Episkopa Eklezio de Usono • katolikismo vd
Lingvoj	angla • hispana vd
Loĝloko	Coral Gables • Midland • Tanglewood • Andover vd
Ŝtataneco	Usono Hispanio vd
Alma mater	Universitato de Teksaso en Aŭstino - latinamerikologio Phillips Academy (en) The Kinkaid School (en) vd
Partio	Respublikana Partio vd
Subskribo
Familio
Patro	George H. W. Bush vd
Patrino	Barbara Bush vd
Gefratoj	Dorothy Bush Koch (en) , George W. Bush, Neil Bush (en) kaj Marvin P. Bush (en) vd
Edz(in)o	Columba Bush (en) (1974–) vd
Infanoj	George P. Bush (en) , Noelle Bush (en) , John Bush, Jr. (en) vd
Profesio
Okupo	bankisto verkisto entreprenisto bindisto politikisto konstruiganto guberniestro vd
Verkado
Verkoj	Immigration Wars: Forging an American Solution vd
Postenoj Postenoj guberniestro de Florido (1999–2007) vd
Honorigoj Honorigoj (2004)  Dr. Nathan Davis Award for Governors or Statewide Elected Officials (en) vd
Membrecoj Membrecoj Fi-Beta-Kapa-Societo vd
En TTT	Oficiala retejo vd
vd	Fonto: Vikidatumoj

Jeb Bush en junio 2015

Jeb BUSH — "Jeb" estas mallongigo de la plena, oficiala nomo "John Ellis BUSH" — (naskita la 11-an de februaro 1953) estas usona komercisto kaj politikisto. Jeb Bush estas filo de la 41-a prezidento de Usono, George H. W. Bush, kaj 7 jarojn pli juna frato de la 43-a, George W. Bush.

Fruaj jaroj

Jeb Bush naskiĝis en Midland (Teksaso) en 1953. Li lernis en bazlernejo en Houston ĝis kiam li eklernis 14-jaraĝe en la elita privata mezlernejo Phillips Academy en Andover (Masaĉuseco), kie antaŭe la patro kaj la pli aĝa filo lernis. Deksepjaraĝe, li partoprenis someran interŝanĝon de lernantoj kun lernejo en Meksiko. Tie li ekkonis la meksikan junulinon Columba Garnica Gallo, kiu en 1974 fariĝis lia edzino. Samjare li ricevis bakalaŭran gradon pri Latinamerikaj studoj de la Universitato de Teksaso, diplomiĝante kun plej altaj honoroj post nur du jaroj kaj duono da studado.

Komerca kariero

Ekde 1974, Bush laboris en la internacia fako de la Teksasa Komerca Banko. En 1977 li fondis ties venezuelan branĉon, kiun li ankaŭ estris dum iom da tempo. Post la prezidenta balotado de 1980, li transloĝiĝis al Miamio (Florido) kaj forlasis bankadon por nova kariero en terpeca komerco. Dum la sekvaj jaroj li entreprenis diversajn komercajn agadojn kaj fariĝis riĉa.

Politika kariero

Jeb Bush servis kiel la 43-a ŝtatestro de Florido (1999 — 2007), post nesukcesa provo pri tiu ofico en 1994. La 15-an de junio 2015 li anoncis sian kandidatiĝon por la Respublikana nomumo kiel prezidenta kandidato en la baloto de novembro 2016. Post malsukcesa rezulto en la antaŭbaloto en Sud-Karolino, la 20-an de februaro 2016 li malaktivigis la kampanjon.

Eksteraj ligiloj

• Oficiala retejo Arkivigite je 2019-04-10 per la retarkivo Wayback Machine (anglalingva)
• Oficiala portreto kaj biografio kiel estro de Florido Arkivigite je 2015-01-04 per la retarkivo Wayback Machine ĉe la retejo de la Muzeo de Florida Historio (anglalingva)
• Jeb Bush ĉe Biography.com (anglalingva)
• Dosiero pri Jeb Bush PolitiFact.com (anglalingva)
• Jeb Bush kolekto de novaĵoj kaj komentarioj ĉe la ĵurnala retejo Miami Herald (anglalingva)
• Jeb Bush Arkivigite je 2014-12-19 per la retarkivo Wayback Machine kolekto de novaĵoj kaj komentarioj ĉe la ĵurnala retejo Tampa Bay Times (anglalingva)