Ruth First
| Ruth First | ||
|---|---|---|
| ||
| Persona informo | ||
| Ruth First | ||
| Naskiĝo | 4-an de majo 1925 en Johanesburgo | |
| Morto | 17-an de aŭgusto 1982 (57-jaraĝa) en Maputo | |
| Mortis pro | Hommortigo  vd
| |
| Mortis per | Poŝta bombo vd
| |
| Lingvoj | angla vd | |
| Ŝtataneco | Sud-Afriko vd
| |
| Alma mater | Universitato de Witwatersrand vd
| |
| Partio | Afrika Nacia Kongreso vd
| |
| Familio | ||
| Edz(in)o | Joe Slovo (1949–1982) vd
| |
| Infanoj | Robyn Slovo (en)  , Gillian Slovo (en) , Shawn Slovo (en) vd
| |
| Profesio | ||
| Okupo | politikisto ĵurnalisto verkisto universitata instruisto politika aktivisto vd
| |
| vd | Fonto: Vikidatumoj | |
Ruth FIRST (naskiĝis 4-an de majo, 1925, mortis la 17-an de aŭgusto, 1982) estis sud-afrika komunistino kaj batalanto kontraŭ rasapartigo.
First naskiĝis en Johanesburgo. Ŝiaj gepatroj estis inter la fondintoj de la Komunista Partio de Sud-Afriko. Ŝi aliĝis al la junkomunistoj kaj baldaŭ pruvis ke ŝi estis tre efika organizanto kaj parolanto.
Post la malpermesado de la komunista partio en 1955 ŝi laboris kaŝe por la partio kaj fariĝis elstara figuro en la alianco gvidata de la Afrika Nacia Kongreso (ANC).
First faris elstaran kontribuon kiel ĵurnalisto, verkisto kaj teoristo. Ŝi verkis por preskaŭ ĉiu ĵurnalo de la kontraŭrasapartiga movado. Kun ŝia edzo Joe SLOVO ŝi estis arestita kaj oni procesis kontraŭ ŝi en la famaj ŝtatperfidprocesoj (angle: treason trials) inter 1956 kaj 1961.
Post periodo de izola karcerpuno en malliberejo oni devigis ŝin forlasi la landon. Ŝi verkis kaj redaktis plurajn libroj inkluzive 117 Days, raporto pri ŝia enkarceriĝo.
Ŝi fariĝis internacie konata aŭtoritatulo pri Sud-Afriko kaj eminenta kampajnanto en la Anti-Apartheid Movement ("Movado kontraŭ rasapartigo") kaj ANC. En 1979 ŝi enoficiĝis kiel Direktoro pri Esplorado ĉe la Centro por Afrikaj Studoj en Maputo.
Ŝi estis murdita en Maputo per pakaĵbombo. Iuj opinias ke tio estis la laboro de la Sud-Afrika registaro kiu tre timis ŝian influon kaj rangon inter la popolo de Sud-Afriko.
