Ĉiniot

Ĉiniot
urbo ; urbego vd
Administrado
Poŝtkodo	35400
En TTT	Oficiala retejo [+]
Demografio
Loĝantaro	477 781 (2012) [+]
Geografio
Geografia situo	31° 43′ N, 72° 59′ O (mapo)31.71666666666772.983333333333Koordinatoj: 31° 43′ N, 72° 59′ O (mapo) [+]
Alto	179 m [+]
	Ĉiniot (Panĝabo)
	Situo de Ĉiniot
	Ĉiniot (Pakistano)
	Situo de Ĉiniot
Alia projekto
	Vikimedia Komunejo Chiniot (city) [+]
	v • d • r

Vasta panoramo en Ĉiniot

Ĉiniot, urdue چنیوٹ estas universitata urbego en provinco Panĝabo (Pakistano), kie ĝi estas sidejoj de la samnomaj kantono kaj distrikto.

Bazaj informoj

areo: km²
supermara alteco: 179 m
loĝantaro: 278,747 (2017 [1])
horzono: UTC+ 5 (PKT)
poŝtkodo: 35400
telefonkodo: 047

Geografio

Ĉiniot situas sur ebenaĵo kun montetoj kaj elstarantaj rokoj laŭ maldekstra bordo de Ĉenabo, la alia (transa) bordo situas urbo Rabvah. De Ĉiniot Fajsalabado troviĝas 36, Lahoro 131, Rawalpindi 209, Multano kaj Islamabado po 223, Peŝavaro 288, Kveta 592, Sukur 599, Hajderabado 836, Karaĉio 961 kilometrojn (aere) [2].

Historio

Pri Ĉiniot mankas fidelaj fontoj el la mezepoko. Dum la Mogola Imperio Ĉiniot apartenis al provinco de Lahoro. Inter 1640 kaj 1656 la urbo estis fama pri belega nova moskeo. La metiistoj laboris eĉ en Taĝ-Mahalo. Post falo de mogoloj nelonge estis en tiu loko sendependa regno, poste la sikoj sekvis. La urbo falis en britan regadon en 1849 kaj la urbo ricevis komunuman statuson en 1862. Tiutempe irigaciaj kanaloj estis konstruitaj kaj tio kreis multajn novajn "kanalajn koloniojn" ĉirkaŭ Ĉiniot. Post la sendependiĝo en 1947 la islamaj rifuĝintoj el nova ŝtato Barato ekloĝis ankaŭ en Ĉiniot.

Loĝantaro

Loĝantaro
1875	1972	1981	1998	2017
11 999	70 108	105 559	169 282	278 747

En Ĉiniot la parolata lingvo estas la panĝaba.

Eduko

En Ĉiniot universitato funkcias kun pluraj aliaj kolegioj. Menciindas la biblioteko.

Bildoj pri Ĉiniot

Ekonomio

Ĉiniot estas fama pro siaj lignaj mebloj kaj disvolviĝis kiel centro de lignoprilaboro pro la rivero Ĉenabo - ĉar la konstruligno de Kaŝmiro estas flosigita laŭ la rivero direkte al Ĉiniot. La aliaj produktoj inkluzivas silkojn, kotonojn, tritikojn, sukerojn, rizojn, laktojn.

Trafiko

Ĉiniot estas ĉe la intersekciĝo de la vojoj Fajsalabado-Sargodha kaj Lahoro-Ĝang. La plej proksima internacia flughaveno funkcias ĉe Fajsalabado. La stacidomo estis konstruita en 1927 ĝi estis bonega paŝo por la loka ekonomio. Tra la ponto estas atingebla Sargodha, en la alia direkto ĉefe Fajsalabado, iom pli longa trako Lahoro.

Klimato

Ĉiniot situas en varma duonarida klimato laŭ klimata klasifiko de Köppen (BSh) kun influo de musono. La vetero estas ŝanĝiĝema. La temperaturo averaĝe varias inter 19-39 °C. La averaĝa jara precipitaĵo estas 399 milimetroj. En ĉiuj monatoj pluvas, sed pli ofte en la musona periodo inter junio-septembro.

Vidindaĵoj

Interno de sanktejo
Moskeo
Sanktejo

Fontoj

WikiTrans