Ŝahrud

Ŝahrud ·
urbo de Irano vd
Administrado
Lando	Irano
Provinco	Semnano
Telefonkodo	023
En TTT	Oficiala retejo [+]
Demografio
Loĝantaro	150 129 (2016) [+]
Geografio
Geografia situo	36° 25′ N, 54° 59′ O (mapo)36.41805555555654.976388888889Koordinatoj: 36° 25′ N, 54° 59′ O (mapo) [+]
Alto	1 351 m [+]
Horzono	UTC+03:30
	Ŝahrud · (Irano)
	Situo de Ŝahrud ·
Alia projekto
	Vikimedia Komunejo Shahrud [+]
	v • d • r

Ŝahrud (perse شاهرود‎‎) estas universitata urbego kaj ĉefurbo de la samnoma distrikto en Provinco Semnano, en norda Irano.

Bazaj informoj

Supermara alteco: 1,345 m
Loĝantaro: 150,129 en 2016
Horzono: UTC + 3:30; somere UTC + 4:30
Telefonkodo: (+98) 23

Geografio

Ŝahrud situas en baseno sur altebenaĵo 140 kilometrojn de la propra provinca ĉefurbo Semnano (urbo), nur 65 kilometrojn de la alia provinca ĉefurbo Gurgano, 328 kilometrojn de la ĉefurbo Teherano, 474 kilometrojn de Esfahano [1]. Norde troviĝas montaro Elborz, sude la aridaj salaj dezertoj. La rivero Taŝ transirinta la urbon finiĝas en la dezerto.

Historio

Ŝahrud situas laŭ la iama Silka Vojo. Arkeologoj trovis ok mil jarajn spurojn en 2006 en apudaĵo de Ŝahrud. En la proksimeco estis historia urbeto Bastam fondita en nekonata tempo. Paralele Ŝahrud estis nur vilaĝo kun du malnovaj kasteloj. Bastam malkreskis dum la mongola epoko kaj Ŝahrud poste prenis sian lokon kaj absorbis Bastam. Ŝahrud estis deklarita urbo en 1925.

Eduko

En Ŝahrud islama, medicina kaj teknologia universitatoj funkcias.

Ekonomio

Ŝahrud estas konata pro unikaj specoj de vinberoj, kiuj estas kultivitaj en la apudaĵo.

Trafiko

Ŝahrud situas proksimume en mezo de fervoja linio Teherano-Afganistano. Ankaŭ ĉefvojoj kuras al tiuj lokoj, krome estas aliaj 2 ĉefvojoj al Gurgano kaj Esfahano.

Klimato

Ŝahrud situas en arida klimato laŭ klimata klasifiko de Köppen (BSk) kun varmaj someroj kaj malvarmaj vintroj. Precipitaĵo estas tre malalta, jare po 168 mm plejparte vintre kaj printempe. La jara averaĝa temperaturo estas 14,7 °C.