Shibayama Zenkei

Shibayama Zenkei  (Japane)
Titoloj:	Ĉefbikŝuo de Nanzenji
Japane:	柴山全慶
Informoj
Skolo:	Rinzai
Naskiĝo:	la 30-an de novembro de 1894 en la gubernio Ajĉi
Morto:	la 29-an de aŭgusto de 1974

Shibayama Zenkei, ankaŭ konata kiel Kei Ŝibajama aŭ Ŝibajama Kei, (1894-1974) estis esperantista japana zena bikŝuo de la skolo Rinzai, bone konata pro sia komentario pri Mumonkan.

Li ankaŭ estis instruisto ĉe la universitato Otani kaj estis la ĉefbikŝuo de la bikŝuejo Nanzenji en Kioto kaj ties tuta organizaĵo, kiu enhavis kvin mil bikŝuejojn. Li verkis multe pri Zeno, kaj tradukoj de liaj eseoj aperis ankaŭ en okcidentaj lingvoj (A Flower Does Not Talk; Zen in Gleichnis und Bild).

Esperanto

La Lumo Orienta (1935) n-ro 2, la unua organo de JBLE, eldonita de la bikŝuo Shibayama Zenkei.

Li lernis Esperanton en 1924 kaj en 1931 fondis Japanan Budhanan Ligon Esperantistan kaj ekeldonis ĝian organon La Lumo Orienta. El la ĉina, li tradukis en Esperanton la verkon de la ĉina Zena ĉefbbikŝuo K'uoan (12-a jarcento), La dek bildoj de bovpaŝtado (1930). Krome, li i.a. kompilis bibliografion de budhismaj verkoj en Esperanto (en La Revuo Orienta, 1934).

Literaturo

• Geo Yoxon (1955). “仏教エスペランチスト連盟初期の歴史”, Informilo de JBLE (japane) (31). 
• Ford, James Ishmael. (2006) Zen Master Who?: A Guide to the People and Stories of Zen (angle). W isdom Publications. ISBN 0-86171-509-8.
• Loori, John Daido. (2006) Sitting with Koans: Essential Writings on Zen Koan Introspection (angle). Wisdom Publications. ISBN 0-86171-369-9.
• (1974) Zen Comments on the Mumonkan (angle). Harper & Row. ISBN 0-06-067279-X.
• (1967) On Zazen Wasan: Hakuin's Song of Zazen (angle). OCLC 2279785.
• Shibayama, Zenkai; Jikihara, Gyokusei. (1967) Zen Oxherding Pictures (angle). Tokyo: Sōgensha. OCLC 174614524.
• (1966) A Flower Does Not Talk. Kyoto: Shibayama. OCLC 3836026.

Trovu « Shibayama Zenkei » inter la Vizaĝoj de homoj rilataj al la ideo «Internacia Lingvo»