Acorn Electron

Acorn Electron
modelo de komputilo vd
Dum	25-a de aŭgusto 1983 - nekonata/nuntempe
	v • d • r

Acorn Electron (kromnomita Elk ene de Acorn kaj aliloke^[1]) estis pli malmultekosta alternativo al la edukada/persona komputilo BBC Micro, ankaŭ evoluigita de Acorn Computers. Ĝi provizas multajn el la funkcioj de tiu pli multekosta maŝino je prezo pli malalta, kongrua kun tiu de la ZX Spectrum. Ĝi havis 32 kilobitokojn de ĉefmemoro, kaj ĝia nurlegebla memoro (ROM) inkludis BBC BASIC II kune kun la operaciumo Acorn MOS. Anoncita en 1982 por ebla liberigo en la sama jaro, ĝi fine estis enkondukita la 25-an de aŭgusto 1983 je prezo de £199.

La Electron kapablis konservi kaj ŝarĝi programojn sur kompakta sonkasedo per provizita kablo, kiu konektis ĝin al ajna norma sonkasedregistrilo kiu havis la ĝustajn konektilojn. Ĝi estis kapabla afiŝi bitmap-grafikojn, kaj povis uzi aŭ televidilon, RVB- aŭ monokromatan monitoron kiel ekranon. Kelkaj aldonaĵoj sekve fariĝis disponeblaj por provizi multajn funkciojn, kiuj mankis ĉe la BBC Micro. Acorn enkondukis ĝeneralan ĝisdatigan pakumon, la Plus 1, kiu inkludis analogan stirstangon kaj paralelajn konektilojn, kune kun kartfendoj en kiuj ROM-kartoĉoj povus esti enigataj. Acorn ankaŭ produktis dediĉitan diskaldonon, la Plus 3, kiu havis diskan regilon kaj 3.5-colan disketingon.

Dum mallonga periodo, la Electron estis laŭdire la plej bone vendata mikrokomputilo en la Unuiĝinta Reĝlando,^[2] kun laŭtaksa 200,000^[3] ĝis 250,000 maŝinoj^[4] venditaj dum ĝia tuta komerca vivotempo. La produktado esence ĉesiĝis jam en 1985.

Referencoj

↑ The Acorn Electron. Alirita 16 August 2021.
↑ "Spectrum Toppled". Electron User. Vol. 3, no. 5. Database Publications. February 1986. p. 7. Retrieved 2015-11-01.
↑ "Olivetti cash revives Acorn", Home Computing Weekly, 30 July 1985, paĝo 1.
↑ "Is a new model on its way?". Electron User. Vol. 3, no. 9. June 1986. p. 5. Retrieved 27 November 2020. They figure that if the public wants Electrons, and more than 250,000 have been sold so far, then the time may be ripe to bring out an enhanced model

[acornelectronworld56-1] The Acorn Electron. Alirita 16 August 2021.

[ElectronUser198601-2] "Spectrum Toppled". Electron User. Vol. 3, no. 5. Database Publications. February 1986. p. 7. Retrieved 2015-11-01.

[homecompweekly19850730-3] "Olivetti cash revives Acorn", Home Computing Weekly, 30 July 1985, paĝo 1.

[electronuser198606-4] "Is a new model on its way?". Electron User. Vol. 3, no. 9. June 1986. p. 5. Retrieved 27 November 2020. They figure that if the public wants Electrons, and more than 250,000 have been sold so far, then the time may be ripe to bring out an enhanced model

[1]

[2]

[3]

[4]