Action Quest

Action Quest
Disvolvo	JV Software
Eldoninto	JV Software
Dato de lanĉo	Majo 1982
Platformo	8-bitaj Atari-komputiloj
Ĝenro	Agada videoludo
	v • d • r

Action Quest (esperante Agada Kvesto) estas agada videoludo verkita de Jack Verson por 8-bitaj Atari-komputiloj^[1]. Ĝi estis publikigita en 1982 de lia firmao, JV Software. Action Quest kombinas realtempan agon kun enigmo-solvado, dum la ludanto esploras 30 ĉambrojn provante kolekti ĉiujn 20 trezorojn.^[2] Laŭ recenzistoj, tiu kombinaĵo malsamis al la kutima maniero, kiel enigmoj en ludoj — kiel grafikaj aventuraj videoludoj — funkciis tiutempe.

Ludomaniero

La ludanto havas la rolon de fantomo, kiu tenas pafilon kaj esploras mondon dividitan en 5 nivelojn kun po 6 ĉambroj en ĉiu.^[3] La ĉambroj enhavas monstrojn aŭ tempolimigitajn enigmojn. La pafilo estas uzata kaj por defendi kontraŭ monstrojn kaj por helpi en enigmo-solvado.

Recenzo

The Creative Atari faris komenton pri la tro ĝenerala nomo de la ludo, sed trovis la realtempan aspekton "sufiĉe radikalan foriron el la formato de tradiciaj aventurludoj"^[4]. La stilo ankaŭ ŝajnis ĉarme nova al John J. Anderson en la kolumno "Atari Arcade" de Computer Gaming World : "anstataŭ enigi koditajn teksto-komandojn, kiel oni atendus de konvencia aventurprogramo, ĉi tiu programo estas ludata ekskluzive per stirstango kaj pafrisorto".^[5]

En recenzo gradita "B−", la Book of Atari Software 1983 deklaris, ke "la sonoj kaj grafikoj de la ludo estas justaj. La enigmo-enhavo estas sufiĉe alta, ke necesos pluraj horoj por trovi ĉiujn dudek trezorojn"^[3]. John Anderson konsentis pri la kvalito de la enigmoj : "la ludvaloro de ĉi tiu programo ne malpliiĝos ĝis vi atingos la tridekan ĉambron, kio daŭros sufiĉe longe antaŭ kompletigo".^[5]

Heredaĵo

Action Quest estis sekvata de daŭrigo fare de la sama aŭtoro, Ghost Encounters.^[6] Ambaŭ ludoj poste estis kombinitaj en kartoĉo kaj publikigitaj de Roklan kiel Castle Hassle.^[7]

Referencoj

↑ The Giant List of Classic Game Programmers.
↑ Action Quest back of box.
↑ ^3,0 ^3,1 (1983) Book of Atari Software 1983. The Book Company.
↑ (1983) The Creative Atari. Creative Computing Press, p. 177–178. ISBN 9780916688349.
↑ ^5,0 ^5,1 Anderson, John J. (May–June 1982). "Atari Arcade". Computer Gaming World. Vol. 2, no. 3. p. 18.
↑ Ghost Encounters.
↑ Castle Hassle.

Eksteraj ligiloj

[giantlist-1] The Giant List of Classic Game Programmers.

[box-2] Action Quest back of box.

[atari83-3] 3,0 ^3,1 (1983) Book of Atari Software 1983. The Book Company.

[ca-4] (1983) The Creative Atari. Creative Computing Press, p. 177–178. ISBN 9780916688349.

[anderson-5] 5,0 ^5,1 Anderson, John J. (May–June 1982). "Atari Arcade". Computer Gaming World. Vol. 2, no. 3. p. 18.

[6] Ghost Encounters.

[7] Castle Hassle.

[1]

[2]

[3]

[4]

[5]

[6]

[7]