Adrast
| Adrast | |
|---|---|
| drama muzika verko | |
| Aŭtoroj | |
| Lingvoj | |
| Eldonado | |
| Eldondato | 19-a jarcento |
Adrast estas nefinita kaj fragmente postlasita opero de Franz Schubert (D 137, 1819/1820) laŭ libreto de Johann Mayrhofer.
Agado
[redakti | redakti fonton]Reĝo Krezo (baritono) komisias junan Adraston (tenoro) per tio, akompani sian filon Atiso (tenoro), kiu jam estas geedziĝinta kun Arianisa (soprano), kaj protekti lin. Laŭ deziro de la patro Atiso mortpafu virapron, kiu dezertigis la kampojn de la reĝlando. Dum la ĉasado Adrasto ĵetegas sagon kontraŭ la virapron, trafas tamen Atison. Adrasto estas pardonita, sed li devas forlasi la kortegon de la reĝo.[1]
Ekesto kaj prezentohistorio
[redakti | redakti fonton]La tekstlibro de Mayrhofer, kiu rilatas al epizodo el la Historioj de Herodoto, estas postlasita nur per la partoj muzikigitaj de Schubert. Ernst von Feuchtersleben rezignis publikigi la manskribaĵojn ankoraŭ prezentajn al li kadre de la eldonado de la postlasitaj poeziaĵoj de Mayrhofer. Do verŝajne nur ono de la komence planitaj muzikaj numeroj disponiĝas komplete instrumentita. Krom tio ekzistas en la skizo kelkaj malmultaj, plejparte arie formitaj recitativoj.
En 1868 kaj 1875 Johann von Herbeck unuan fojon prezentis kelkajn numerojn el la operoj kadre de koncertoj en la Viena Muzikasocio. La finfaritaj muziknumeroj aperis je 1893 en la malnova eldono de la kompleta verkaro de Schubert. Ili estis prezentitaj interalie en 1946 en la svisa radiostacio Radio Beromünster, same kiel je vienaj koncertoj en 1978 kaj okaze de la Vienaj Schubert-Tagoj en 1985 sub direktado de Helmuth Froschauer.
Ĉiuj komplete postlasitaj muziknumeroj kaj skizoj aŭdiĝis je la prezentado okaze de la tridekjara jubileo de la viena esplorejo de Nova Schubert-Eldono. La koncerto okazis la 19-an de novembro 2010 en la solenejo de la Malnova Universitato je Vieno (Aŭstra Akademio de la Sciencoj) sub muzika estrado de Mario Aschauer, eldoninto de la partituro.[2]
Literaturo
[redakti | redakti fonton]- Franz Schubert: Bühnenwerke. Kritische Gesamtausgabe der Texte, eldonitaj de Christian Pollack. Schneider, Tutzing 1988, ISBN 3-7952-0576-X.
- Elizabeth Norman McKay: Franz Schubert's Music for the Theatre. Schneider, Tutzing 1991, ISBN 3-7952-0664-2. (Volumo 5 de Veröffentlichungen des IFSI)
- Elizabeth Norman McKay: Schubert and Classical Opera : The promise of Adrast. En: Erich Wolfgang Partsch (eld.): Der vergessene Schubert : Franz Schubert auf der Bühne. Böhlau, Vieno 1997, ISBN 3-205-98749-7, S. 61–76.
Eksteraj ligiloj
[redakti | redakti fonton]
- Adrast: Liberaj muziknotoj por elŝuti de International Music Score Library Project.
- Nota manskribaĵo ĉe Wienbibliothek
- Nota manskribaĵo ĉe Aŭstruja Nacia Biblioteko
Referencoj
[redakti | redakti fonton]- ↑ Kelkajn indikojn pri la verko donas unuan fojon en 1843 Ernst von Feuchtersleben en siaj klarigoj pri la poemara eldono de Mayrhofer samkiel en 1865 Heinrich Kreißle von Hellborn en sia biografio pri Schubert.
- ↑ Informoj pri la unua prezentado la 19-an de novembro 2010 en la solenejo de la Malnova Universitato je Vieno Arkivigite je 2013-02-04 per la retarkivo Wayback Machine.