Adriana Ugarte

Adriana Ugarte
Persona informo
Adriana Ugarte
Naskiĝo	17-an de januaro 1985 (1985-01-17) (39-jaraĝa) en Madrido
Lingvoj	hispana vd
Ŝtataneco	Hispanio vd
Alma mater	Colegio Nuestra Señora del Pilar vd
Profesio
Okupo	aktoro filmaktoro vd
Aktiva dum	2001– vd
Honorigoj Honorigoj (2014)  Prix Ville de Huesca - Carlos Saura (fr) vd
vd	Fonto: Vikidatumoj

Adriana Sofía UGARTE Pardal (Madrido, 17a de januaro 1985) estas hispana aktorino, konata, kiel Adriana Ugarte, ĉefe pro sia ludado en televidserioj kiel La Señora (La Sinjorino) kaj El tiempo entre costuras (Tempo interkudre) kaj en filmoj kiel Julieta de Pedro Almodóvar.

Biografio kaj kariero

Ŝi samtempe studis aktoradon kaj dancon kun filozofio; ekkarieris en televidserioj kiel Policías, en el corazón de la calle (Antena 3) kaj Hospital Central (Telecinco). En 2006, estante 21-jaraĝa, estis kandidato al Goja-premio al la plej bona nova aktorino pro sia ludado kiel Consuelo en la filmo Cabeza de perro (Hundokapo), reĝisorita de Santi Amodeo.

En 2008, oni premieris la serion La señora (La 1) en kiu Ugarte ludis la ĉefrolon (Victoria Márquez) kaj tiukadre ŝi ege populariĝis. Samjare ŝi partoprenis en la filmo El juego del ahorcado (La ludo de la pendumito), kun Clara Lago kaj Álvaro Cervantes. Poste venis Castillos de cartón (Kartonaj kasteloj, 2010), reĝisorita de Salvador García Ruiz kaj protagonistigita kun Nilo Mur kaj Biel Durán, kaj Lo contrario al amor (Malo al amo, 2011), protagonistigita kun Hugo Silva.

En 2013 oni premieris El tiempo entre costuras (Antena 3), televidserio bazita sur la samnoma romano de María Dueñas, en kiu protagonistis Ugarte en la rolo de Sira Quiroga/Arish Agoriuq atingante grandan sukceson de publiko.

En 2015 ŝi estis unu de la steluloj de la filmo Palmeras en la nieve (Palmoj ĉe neĝo) kun Mario Casas, Emilio Gutiérrez Caba kaj Macarena García. En 2018 ŝi estis unu de la protagonistoj de la franca filmo Amoureux de ma femme (Enamiĝinta de mia edzino), reĝisorita de Daniel Auteuil kun geaktoroj Sandrine Kiberlain kaj Gérard Depardieu.

Filmoj

Jaro	Titolo	Reĝisoro	Rolulo
2006	Cabeza de perro	Santi Amodeo	Consuelo
2007	Gente de mala calidad	Juan Cavestany	Eva
	El patio de mi cárcel	Belén Macías	Alejandra
2008	El juego del ahorcado	Manuel Gómez Pereira	Olga
2009	Castillos de cartón	Salvador García Ruiz	María José
2011	Lo mejor de Eva	Mariano Barroso	Marta
	Lo contrario al amor	Vicente Villanueva	Merce
2013	Combustión	Daniel Calparsoro	Ari
2015	Tiempo sin aire	Samuel Martín Mateos kaj Andrés Luque Pérez	Vero
	Palmeras en la nieve	Fernando González Molina	Clarence
2016	Julieta	Pedro Almodóvar	Julieta
2017	Tadeo Jones 2: El secreto del rey Midas	Enrique Gato	Tiffany (voĉo)
	El sistema solar	Bacha Cavaredo kaj Chinón Higashionna	Inés
2018	Amoureux de ma femme	Daniel Auteuil	Emma
	Durante la tormenta	Oriol Paulo	Vera Roy
2023	Lobo feroz	Gustavo Hernández Ibáñez	Matilde

Eksteraj ligiloj

• Adriana Ugarte Arkivigite je 2020-04-06 per la retarkivo Wayback Machine (el Retarkivo 20200406192303) en seriesycine.com

• En tiu ĉi artikolo estas uzita traduko de teksto el la artikolo Adriana Ugarte en la hispana Vikipedio.