Afaniedoj

Kiel legi la taksonomion Afaniedoj
Anatolichthys danfordii
Biologia klasado
Regno: Animaloj Animalia Filumo: Ĥorduloj Chordata Klaso: Aktinopterigoj Actinopterygii Ordo: Ciprinodontoformaj Cyprinodontiformes Familio: Afaniedoj Aphaniidae Sethi, 1960
Genroj
Anatolichthys Aphaniops Aphanius Apricaphanius Esmaeilius Kosswigichthys Paraphanius Tellia
Aliaj Vikimediaj projektoj

La Afaniedoj estas grupo de ciprinodontoformaj fiŝoj. La proksimume 45 specioj de afaniedoj loĝas en akvoj de marbordaj ebenejoj de suda Eŭropo kaj Norda Afriko (ĝis Somalujo), ĉirkaŭ la Ruĝa Maro kaj la Persa Golfo, en kontinentaj akvoj de Norda Afriko, la Araba Duoninsulo, Mezopotamio, Irano, kaj Turkujo. La arealcentro, t. e. la plej specihava regiono, estas la altebenaĵo de Anatolio.

Priskribo

Afaniedoj longas 3-15 cm. La diagnozaj trajtoj kiuj distingas ilin de aliaj ciprinodontoformaj koncernas la morfologion de la kranio.

Kutimoj

La specioj de afaniedoj plejparte loĝas en malgrandaj nesalaj, saletaj, aŭ marakvaj akvejoj. Tio povas esti fontoj, marĉoj, marĉlagetoj, lagunoj, kanaloj aŭ fosoj. Ofte la akvoj staras en rekta kontakto kun la maro kaj havas altan enhavon de sulfidoj aŭ komponaĵoj de magnezio. Salenhavo kaj temperaturo povas forte fluktui, tiu lasta kaj laŭ jara ritmo kaj inter tago kaj nokto. La fiŝoj evitas akvon fluantan kaj nutras sin per plantoj, diversaj bestetoj, kaj detrito. Ili ne estas sezonfiŝoj. Ili gluas siajn ovojn sur objektoj.

Sistematiko

Tradicie, ĉiuj ĉi fiŝoj estis klasifikataj kiel la genro Aphanius ene de la familio Cyprinodontidae. En 2017 studo dismetis ilin de la Cyprinodontidae kiel apartan unugenran familion Poste, en 2020, oni disigis Aphanius en ok genrojn.