Altovistakapelo
La Altovistakapelo estas rom-katolika kapelo kaj pilgrimloko sur la insulo Arubo.
Situo
[redakti | redakti fonton]
La kapelo troviĝas je la nordorienta pinto de la insulo, proksime de la antaŭa vilaĝo Noord. La hodiaŭa konstruaĵo estas el 1952, tamen la loko mem havas multe pli longan historion, ĉar tie situis la unua kirko de Arubo.
Historio
[redakti | redakti fonton]La originalan kirkon Saint Ann konstruis en 1750 la venezuela misiisto Domingo Antonio Silvestre el Coro. Ĝi iam gastigis la unuan rom-katolikan kirkokomunumon de la insulo.
En 1776 la komunumo malfondiĝis pro la pesto. La postvivintaj kredantoj forlasis la lokon Alto Vista. dum la sekvaj jardekoj, post la forlaso de la kirko, ĝi tiel disfalis ke nur ruino restis.
Dum la 1940-aj jaroj la aruba instruistino Francisca Henriques Lacle komencis kolekti mondonacojn, kaj post la konsento de la episkopo de Kuracao, la nova kapelo estis konstruita sur la ruino de la malnova. La formplanado estas de la angla arkitekto J. A. Hille. La statuo de la virgulino Maria estas en Nederlando farita. En la jaro 1954 pluraj arubanoj financis la statuon, kiu estas ornamita per ora krono kun gemoj. La statuo tamen baldaŭ estis detruita de nekonataj vandaloj kaj devis esti anstataŭigita.
Eksteraj ligiloj
[redakti | redakti fonton]- angle Altovistakapelo
- germane Kirkoj sur Arubo
- angle Johannes Hartog: Aruba, past and present; from the time of the Indians until today. Verlag De Wit, Oranjestad 1961, OCLC 3821787, S. 82–86.