America's Army
| America's Army | ||
|---|---|---|
|
| ||
| videoludserio | ||
| Eldonisto | Usona terarmeo | |
| Eldondato | 4 jul. 2002 | |
America's Army (ankaŭ konata kiel AA aŭ la United States Government Military Game Project ) estas plurludanta unuapersona pafludo, kun emfazo de alta realismo en la modeligado de armiloj kaj scenaroj, evoluigita fare de la Usona Federacia Registaro. Ĝi povas esti elŝutita kaj ludita senpage de iu ajn komputilo. Ĝia celo estas plibonigi publikan opinion pri la usona militistaro kaj kuraĝigi rekrutadon en ĝi.
La ludo havas pli ol 10 milionojn da registritaj uzantoj, el kiuj ĉ. duono kompletigis "Bazan Trejnadon" (ia virtuala rekrutlernejo) por kvalifiki por normala interreta videoludado.
Pluraj verkintoj [1][2] substrekis ke la ludo devas esti konsiderita propagandinstrumento, donita la propran difinon de la usona Departamento de Defendo pri propagando :
"Propagando: Ajna formo de komunikado en subteno de naciaj celoj dezajnitaj por influi la opiniojn, emociojn, sintenojn, aŭ konduton de iu grupo por profitigi la sponsoron, aŭ rekte aŭ nerekte." ( Departemento de Defendo Vortaro de Milita kaj Rilata Kondiĉoj : Propagando)
La unua versio de la ludo (1.0), kiu estis titolita Recon, unue estis publikigita la 4-an de julio 2002. Aktuale en 2014, pli ol 41 versioj kaj aldonoj estis publikigitaj. Ĉiuj versioj de la ludo estis evoluigitaj per la ludmaŝino Unreal Engine, kaj uzas ( Punkbuster ) por kontraŭi trompadon. Financita de la usona registaro, la ludo estas distribuita senpage per cifereca elŝuto, nuntempe per STEAM.
La ludo estas tre realisma kaj estas uzata por agitado kaj propagando. Surbaze de la ludoj, dekoj da trejnado kaj simulado sistemoj estis evoluigitaj por usona armeo dungitaro. La America's Army serio, origine havebla sur komputilo, inkludas versiojn por Xbox kaj Xbox 360, same kiel porteblaj platformoj [3][4].
En majo 2022, oficiala enreta funkcio kaj subteno por la plej lasta ludo en la serio, America's Army: Proving Grounds, estis retirita [5][6].
Referencoj
[redakti | redakti fonton]- ↑ Nieborg, David: Changing the Rules of Engagement - Tapping into the Popular Culture of America’s Army, the Official U.S. Army Computer Game - masteroppgave om America's Army ved Utrecht University (Nederland), 2005
- ↑ Løvlie, Anders Sundnes: The rhetoric of persuasive games: Freedom and discipline in America's Army - masteroppgave om America's Army ved Universitetet i Oslo, 2007
- ↑ Bramwell, Tom (2007-03-17) America's Army launches mobile offensive. gamesindustry.biz. Arkivita el la originalo je 2008-12-27. Alirita 2008-10-28.
- ↑ Brinkley, C. Mark (2007-03-19) Expand and conquer. Army Times. Alirita 2008-10-28.
- ↑ AA:PG Shutdown - America's Army Forum (2022-04-27). Arkivita el la originalo je 2022-04-27. Alirita 2022-08-09.
- ↑ Andy Chalk published, , "America's Army is finally closing for good", PC Gamer, 2022-02-08. (angle)
Eksteraj ligiloj
[redakti | redakti fonton]- Oficiala retejo
- La platformo de America's Army por registaraj aplikoj
- La MOVES InstitutoArkivigite je 2016-02-10 per la retarkivo Wayback Machine(eksaj ellaborantoj)
- "Militaj ludoj en tempo de milito", MSNBCa artikolo (la 18a de julio 2004)
- America's Army versio 2.5 ĉe helpa retejo