Ampudia

Ampudia
municipo en Hispanio vd
Administrado
Poŝtkodo	34191
En TTT	Oficiala retejo [+]
Demografio
Loĝantaro	589 (2023) [+]
Loĝdenso	4 loĝ./km²
Geografio
Geografia situo	41° 55′ N, 4° 47′ U (mapo)41.9148751-4.7792135Koordinatoj: 41° 55′ N, 4° 47′ U (mapo) [+]
Alto	840 m [+]
Areo	137,17 km² (13 717 ha) [+]
	Ampudia (Provinco Palencio)
	Situo de Ampudia
	Ampudia (Hispanio)
	Situo de Ampudia
Alia projekto
	Vikimedia Komunejo Ampudia [+]
	v • d • r

Ampudia [amPUdja] estas municipo en la sudokcidento de la provinco Palencio, en la regiono Kastilio-Leono, Hispanio. Ĝi apartenas al la komarko Tierra de Campos.

Geografio

Ĝia municipa teritorio okupas totalan areon de 137,17 km² kaj laŭ la demografia informo de la municipa censo fare de la INE en 2021, ĝi havis 600 loĝantojn. Ĝi perdis multajn loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono, fakte perdis 1 000 loĝantojn el la jaro 1900. Ĝi distas 37 km de Palencio, provinca ĉefurbo.

La municipo Ampudia enhavas ankaŭ la jenajn loĝlokojn: Ampudia, Dehesilla, Esquileo de Abajo, Esquileo de Arriba, Monte la Torre, Rayaces, Valdebustos kaj Valoria del Alcor.

Historio

La areo apartenis unue al la Regno Kastilio. En Mezepoko okazis reloĝado. La urbo estis sidejo de episkopo kaj en ĝi estis konvento de Templanoj, alia de Aŭgustenanoj kaj aliaj de monaĥinoj Klaranaj. La historio de la urbo datas el la Frua Mezepoko kaj estis ligita al la familio Rojas el Sancho de Rojas ĝis Francisco de Sandoval y Rojas ĉe kiu oni kreis la Graflandon de Ampudia.

Sancho de Rojas, episkopo de Palencio kaj episkopo de Toledo, donis al sia nevo Pedro García de Herrera, Senjoro de Salvatierra la feŭdon de Fuent Pudia komence de la 15-a jarcento. Tiu ricevis de Johano la 2-a privilegion por institui heredan senjorlandon ĉe la urbo. Lia filo, Pedro García López de Ayala metos la blazonojn de Herrera, Ayala kaj Rojas ĉe la pordego de la kastelo.

Moderna epoko

Je la fino de la Antikva Reĝimo la loko iĝis municipo mem en la jurisdikcia partio de Palencio, kiu en la censo de 1842 enhavis 353 hejmojn kaj 1 836 lokanojn. En la 1970-aj jaroj la municipo kreskiĝis kaj aliĝis al Valoria del Alcor.

Parto de eksteraj scenoj de la filmo El Cid (1961), reĝisorita de la usonano Anthony Mann kun la ludado en la ĉefaj roloj de Charlton Heston kaj Sophia Loren, estis filmitaj en la municipo.

La urba kerno estis deklarita Histori-Arta Ensemblo en 1965 pro sia granda altirado kaj stratoj portikohavaj. Tio rezultis en grava altiro de turismo, ĉu kultura, rura aŭ semajnfina.

Aktualo

Tradiciaj enspezofontoj estis agrikulturo (cerealoj kaj vitejoj) kaj brutobredado (ŝafoj). Lastatempe funkciado de servoj plej ekgravis, kune kun piedirado tra naturaj lokoj. De la historia pasinteco restis diversaj vizitindaj vidindaĵoj kiel la preĝejo Colegiata de San Miguel; la kastelo; la Muzeo de Religia Arto, en la iama konvento de San Francisko, fondita en la 17-a jarcento fare de la duko de Lerma; la Monaĥinejo de Nuestra Señora de Alconada.

Bildoj

Impona sonorilturo.
Ermitejo de Santiago kun sonosrilmuro, sonorilturo de Colegiata de San Miguel kaj fone ventogeneratoroj.
Vinkelo.
Vinkelo kaj spirkamenoj.
Portikara strato de Ampudia.
Kastelo de Ampudia.
Enirejo al la kastelo.
Malantaŭo de la kastelo.
Ĉefturo de la kastelo.

Vidu ankaŭ

Municipoj de la provinco Palencio

Notoj

Bibliotekoj