Annsybill Kamphausen
Annsybill KAMPHAUSEN, filino de patro el Germanio kaj de patrino el la itallingva svisa kantono Tiĉino, estas librovendistino kaj esperantistino en Darmstadt. Komence de la 1990-aj jaroj ŝi plurajn jarojn estis estraranino de Germana Esperanto-Asocio, aktivis en la esperantista por-UNESKO-asocio Monda Kunagado kaj de 1992 ĝis 1995 reprezentis ĝin en la komitato de UEA, interalie subtenis Esperanto-klubon en la benina vilaĝo Ĉaĉu kaj komencis ĝardenkulturan projekton, por kiu ŝi trovis financan kaj teknikan helpon pere de internacia virina organizaĵo.[1] Ankaŭ en la Asocio de Verduloj Esperantistaj (AVE), en kiu ŝia same membras, ŝi organizis helpon por tiu projekto.[2] Nun ŝi aktivas precipe en projektoj de la loka urba politiko, kaj laŭ la stato de 2016 daŭre partoprenas en lokaj esperantistaj kunvenoj.
Referencoj[redakti | redakti fonton]
- ↑ artikolo en Eventoj n-ro 0032, 2/junio - '93
- ↑ informilo "Aveno" 9-a, okaze de la 10-a jubileo de AVE en 1994. Arkivita el la originalo je 2016-03-14. Alirita 2016-03-14.
