Gubernio Aomori

Aomori
青森県
gubernio de Japanio
Loko
Regiono	Tohoku
Municipokodo	02000-1
Fizikaj karakteraĵoj
Areo	9 645,64 km²
Loĝantaro (2021)
Tute	1 232 303
Denseco	128 loĝ./km²
Koordinato	40° 49′ N, 140° 44′ O (mapo)40.824611111111140.74055555556
Simboloj
Arbo	Hiba (Thujopsis dolabrata var. hondae)
Floro	Pomarba floro (Malus pumila)
Birdo	Bevikka cigno (Cygnus bewickii)
Fiŝo	Fleso (Paralichthys olivaceus)
Blazono de Aomori
Ekonomio
Gubernia oficejo de Aomori
estro	Sōichirō Miyashita (ekde 29-a de junio 2023)
Adreso	〒030-8570 青森県青森市長島1-1-1 Aomori-shi, Nagashima 1-1-1 Aomori, JP-030-8570, Japan
Telefononumero	+81-17-722-1111
Oficiala retpaĝaro: http://www.pref.aomori.lg.jp/
ISO 3166-2	JP-02

Gubernio Aomori (japane: 青森県 [aomori-ken]) situas en la regiono Tōhoku, en la plej norda parto de la insulo Honŝuo en Japanio.

Laŭ la stato de 2021 en la gubernio vivis 1 232 303 loĝantoj sur areo de 9 645,64 kvadrataj kilometroj, kio rezultigas loĝdenson de 128 loĝantoj/km². Ĝia ĉefurbo estas la samnoma urbo Aomori.

Aomori, la insulo de la plej norda prefektejo de Honŝuo, estas plejparte monta areo, precipe enlanden. La areo estas unu el la plej vulkane aktivaj de Japanio, kie troviĝas interalie la 879 metrojn alta vulkano Osorezan, kiu havas gravan religian pozicion inter budhanoj.

Simboleco

La emblemo kaj flago de la prefektejo estis elektitaj la 1-an de januaro 1961. La blanka koloro de la emblemo simbolas la senfinecon de la universo, kaj la riĉa verda koloro simbolas la esperon por disvolviĝo kaj prospero.

Turismo

Naciaj parkoj

Laŭ datumoj de la 1-a de aprilo 2012, 12% de la areo de Aomori konsistis el naciaj parkoj.

Monda heredaĵo de Unesko

Aomori ankaŭ estas hejmo de Ŝirakami-Sanchi, netuŝita praarbaro en monta areo kiu estis aldonita al la listo de Monda Heredaĵo de Unesko.

La Granda Budho

Aomori Shōwa Daibutsu (昭和大仏) estas la plej granda Budho-monumento en Japanio. Ĝi estas parto de la templo Seiryuu-ji, konstruita en 1982. La Budho altas 21,35 metrojn kaj pezas 220 tunojn. Sub la Budho estas ankaŭ cirkla ĉambro kun pentraĵoj, bildoj kaj skulptaĵoj.

Mezepoka kastelo Hirosaki

Fama pro la ĉerizfloroj en siaj ĝardenoj, ĉi tiu kastelo situas en la urbo Hirosaki.

Ekonomio

La ĉefaj sektoroj de la ekonomio estas agrikulturo kaj forstado, same kiel fiŝkaptado. Ekde la 1990-aj jaroj, alta teknologio disvolviĝis. La prefektejo gastigas la plej grandan nombron de ventoturbinoj de Japanio.

La gubernio ankaŭ produktas tradiciajn manfaritaĵojn kiuj havas longan historion. La plej famaj el ili estas tsugaru lakvaro ( Jap. 津軽塗, つがるぬり tsugaru-nuri ).

Gubernio Aomori estas la gvidanto en la japana pomomerkato kaj havas la plej altajn kultivadprocentojn en la lando por ĉina ignamo kaj ajlo.

Geografio

Urboj

• Aomori (Gubernia ĉefurbo)
• Cugaru
• Goŝogaŭara
• Haĉinohe
• Hirakaŭa
• Hirosaki
• Kuroiŝi
• Misaŭa
• Mucu
• Toŭada

Urbetoj kaj vilaĝoj

Distrikto Higaŝicugaru Hiranaj Imabecu Jomogita Sotogahama Distrikto Kamikita Jokohama Kamikita Noheĝi Oirase Rokunohe Ŝiĉinohe Tohoku Rokkaŝo

Distrikto Kitacugaru Curuta Itajanagi Nakadomari Distrikto Minami-Cugaru Fuĝisaki Inakadate Oŭani Distrikto Nakacugaru Niŝimeja distrikto Niŝi-Cugaru Aĝigasaŭa Fukaura

Distrikto Sannohe Gonohe Haŝikami Nambu Sannohe Ŝingou Takko Distrikto Ŝimokita Higaŝidoori Kazamaura Oma Saj

Esperanto

Esperanto ludis tie gravan rolon en la renaskiĝo de la 'loka arta movado' kiu kultivis lokajn artojn, samtempe ligante ĝin al tutmondaj kaj transnaciaj ideoj pere de Esperanto, kiu reprezentas kosmopolitan mondperspektivon montrante eksplicitan respekton por lokaj lingvaj kaj kulturaj diferencoj.

Eksteraj ligiloj

• gubernio Aomori en la anglalingva vikipedia branĉo Vikivojaĝo
• oficiala retejo (japane kaj per aŭtomata traduko angle, ĉine kaj koree)