Armin Rohde

Armin Rohde
Persona informo
Armin Rohde
Naskiĝo	4-an de aprilo 1955 (1955-04-04) (69-jaraĝa) en Gladbeck
Lingvoj	germana vd
Ŝtataneco	Germanio vd
Alma mater	Arta Universitato Folkwang vd
Familio
Gefratoj	Uwe Rohde (mul) vd
Edz(in)o	Angela Baronin von Schilling (en) (1995–) vd
Profesio
Okupo	filmaktoro voĉaktoro vd
Aktiva en	Bielefeld • Bochum vd
Honorigoj Honorigoj (2015)  Hessian TV Award (en) , kialo de la premio Tatort: Das Haus am Ende der Straße (en) (2013)  Deutscher Schauspielpreis (en) (2012)  Bavarian TV Awards (en) (2012)  Askania Award (en) (2010)  DIVA – Deutscher Entertainment Preis (en) (2004)  Grimme-Preis (en) vd
Membrecoj Membrecoj Deutsche Filmakademie (en) vd
vd	Fonto: Vikidatumoj

Armin Rohde, 2016

Armin ROHDE (naskiĝis la 4-an de aprilo 1955 en Gladbeck) estas germana aktoro.

Biografio

Armin Rohde estas la plej aĝa el kvar infanoj de laborista familio - la patro estis ministo kaj la patrino fabrika laboristino. Por ebligi al li pli ambician profesian karieron, la gepatroj subtenis ke li vizitu kaj finu gimnazion - en sia klaso li estis la sola ido de laborista familio. La familio vivis en la urbo Wuppertal en la centro de la federacia lando Nordrejn-Vestfalio de Germanio, kaj kiam la 19-jara Armin Rohde tie vidas atentokaptan prezenton de danca teatro, li entuziasmiĝas pri teatrado.

Post aktora eduko en la Altlernejo Folkwang en Essen kaj en klaŭna lernejo li ekde la jaro 1984 laboras en diversaj teatroj de la urboj Bielefeld kaj Bochum. Inter unuaj surscenigoj estas la teatraĵoj Trigroŝa Opero de Bertolt Brecht, Edipo de Sofoklo kaj Atendo pri Godot de Samuel Beckett.

Dum la jaro 1992 li havas kromrolon en la kineja filmo Schtonk! de la reĝisoro Helmut Dietl kaj samjare vaste konatiĝas pro rolo en la kineja filmo Kleine Haie de la reĝisoro Sönke Wortmann. En tiu kaj pluraj sekvaj filmoj Armin Rohde konvinke ludas rolojn de simpatia iom proletaj, senedukaj kaj malvegetaraj viroj, ŝatantoj de alkoholo, televido kaj seksismaj ŝercoj.

Pro siaj roloj en la sekvaj kinejaj filmoj Der bewegte Mann, Das Superweib, Rossini, Das Leben estas eine Baustelle kaj Lola rennt. Armin Rohde iĝas unu el la plej konataj aktoroj de Germanio.

Ekde la jaro 1995 Armin Rohde estas edziĝinta. La tri jarojn pli juna frato Uwe Rohde (naskiĝis en 1958) same estas aktoro.

Filmografio

2010: Die Teufelskicker 2008: Up! Up! To The Sky! 2007: Keinohrhasen 2007: Mord in bester Gesellschaft 2007: Herr Bello 2006: Vater Undercover - Im Auftrag der Familie 2006: Der Räuber Hotzenplotz 2005: A Sound of Thunder 2005: La fantomo de Canterville 2005: Die Bluthochzeit 2003: Sams 2003: Das Wunder von Lengede ekde 2003: Nachtschicht (televida serio) 2002: 666 - Traue keinem, mit dem du schläfst! 2001: Schutzengel gesucht 2001: Das Sams 2001: Taking Sides - Der Fall Furtwängler

2000: Der Bär ist los 2000: Marlene 1999: St. Pauli Nacht 1998: Lola rennt 1998: Das Finale 1998: Der Campus 1998: Wolffs Revier - Zahltag 1997: Rossini - oder la mörderische Frage, wer mit wem schlief 1997: Das Leben ist eine Baustelle 1996: Das Superweib 1996: Der Schattenmann 1996: Auf Achse (televida serio) 1994: Der bewegte Mann 1994: krimfilma serio Tatort - Die Frau an der Straße 1992: Kleine Haie 1992: Schtonk!

Premioj

Kiel unua aktora honorigo Armin Rohde dum la jaro 2000 ricevis la premion "Ora Kamerao" por sia rolo en la filmo "St. Pauli Nacht". Inter pluraj pliaj honorigoj, dum 2003 estis la premio Bambi.

Eksteraj ligiloj

• portreto de Armin Rohde en la paĝoj de la televida kanalo ZDF Arkivigite je 2008-04-01 per la retarkivo Wayback Machine
• Informoj pri Armin Rohde en katalogo de la Germana Nacia Biblioteko (germane)