Artur Timóteo da Costa

Artur Timóteo da Costa (1822-1922)
Interna korto de preĝejo, oleo sur ligno, 1917
Persona informo
Naskiĝo	12-an de novembro 1822 en Rio-de-Ĵanejro, Rio-de-Ĵanejrio, Brazilo
Morto	5-an de oktobro 1922 en Rio-de-Ĵanejro, Rio-de-Ĵanejrio, Brazilo
Etno	Afrikobrazilano vd
Lingvoj	portugala vd
Ŝtataneco	Brazilo vd
Alma mater	Federala Universitato de Rio-de-Ĵanejro
Familio
Gefratoj	João Timóteo da Costa (en) vd
Profesio
Okupo	pentristo teatra dekoraciisto scenografo desegnisto skulptisto vd
vd	Fonto: Vikidatumoj

Artur Timóteo da Costa estis afrik-brazila pentristo, desegnisto kaj dekoraciisto.

Biografio

Arthur Timótheo da Costa estis naskita la 12-an de novembro 1882. Li kaj lia frato pt:João Timóteo da Costa (kiu ankaŭ iĝis bonkonata pentristo) komencis siajn karierojn kiel metilernantoj ĉe la Monfarejo de Brazilo, dezajnante poŝtmarkojn kaj farante presaĵojn. Ĉe la Monfarejo, da Costa komencis siajn studojn, prenante desegnadajn lecionojn kaj alkutimiĝante sin kun la tekniko de Gravurado. En 1894, kun la permeso kaj patroneco de la Direktoro de la Monfarejo, ili eniris en la pt:Escola Nacional de Belas Artes (nun parto de la Federala Universitato de Rio-de-Ĵanejro). Li studis sub Zeferino da Costa, Rodolfo Amoedo kaj Henrique Bernardelli. Lia frua arta evoluo estis plue nutrita fare de itala scenografisto pt:Oreste Coliva. Inter 1895 kaj 1900, Da Costa neformale studis scenografion sub Coliva, kaj ankaŭ laboris kiel lia asistanto.

Eŭropa pejzaĝo ĉe sunsubiro.

Da Costa partoprenis multoblajn eldonojn de la "Exposição Gerais de Belas Artes", ĉiujara artekspozicio aranĝita fare de la Escola de Belas Artes. En 1907, li eniris la ekspozicion kaj gajnis vojaĝon al Eŭropo, pasigante iom da tempo en Parizo. Tio estis en la sama jaro kiam lia pentraĵo "Antes do Aleluia" rikoltis kritikistajn aplaŭdojn. La sekvan jaron, li vojaĝis al Parizo kie li restis dum 2 jaroj por studi.

Kune kun lia frato João Timóteo kaj alia duopo de fratartistoj, pt:Carlos Chambelland kaj pt:Rodolfo Chambelland, li partoprenis en la ornamado de la brazila pavilono ĉe la Torino Internacia ekspozicio de 1911.

El 1910 pluen, post lia reveno al Brazilo, Arthur estis tre produktiva artisto, establante sin kiel fama pentristo. En 1919, en Rio-de-Ĵanejro, kune kun grupo de kolegaj artistoj, li fondis la grupon "la Juventas". Tiun saman jaron, li kaj lia frato ornamis la ĉefhalon de la "Fluminese Futbalklubo". En 1921, li partoprenis en la "Exposição Gerais de Belas Artes" je la lasta fojo.

En la fruaj 1920-aj jaroj, li komencis montri signojn de mensmalsano kaj rapide plimalboniĝis tiel ke li estis nekapabla prizorgi sin. Li estis enhospitaligita en la Malsanulejo Petro la 2-a kaj mortis tie la 5-an de oktobro 1922.

Vidu ankaŭ

• João Zeferino da Costa (1840-1915) brazila pentristo
• Rodolfo Amoedo (1857-1941) brazila pentristo, desegnisto kaj dekoraciisto
• Henrique Bernardelli (1857-1936)
• Oreste Coliva (fino de la 19-a jarcento-komenciĝo de la 20-a jarcento)
• João Timóteo da Costa (1879-1932) afrika-brazila pentristo
• Rodolfo Chambelland (1879-1967) brazila pentristo, dekoraciisto kaj profesoro pri desegnado kaj desegnisto
• Carlos Chambelland (1884-1950) brazila pentristo, dekoraciisto kaj profesoro pri desegnado