Atari BASIC
Atari BASIC estas interpretilo por la programlingvo BASIC kiu estis liverita kun ĉiuj 8-bitaj Atari-komputiloj. Male al plejmultaj usonaj versioj de BASIC de tiutempaj personaj komputiloj, Atari BASIC ne estas derivaĵo de Microsoft BASIC kaj diferencas en gravaj aspektoj. Ĝi inkludas klavvortojn por Atari-specifaj funkcioj.
La lingvo estis distribuita kiel 8-kilobitoka kartoĉo por uzado kun la komputiloj Atari 400 kaj 800 en 1979. Komencante kun la 600XL kaj 800XL en 1983, BASIC estis integrita en la sistemon. Ekzistas tri ĉefaj versioj de la programaro : la originala kartoĉ-bazita "A", la integrita "B" por la 600XL/800XL, kaj la fina "C" versio en la postaj XL-modeloj kaj la XE-serio.
Malgraŭ tio, ke la 8-bitaj Atari-komputiloj estis pli potencaj kaj rapidaj ol plejmultaj el siaj samtempuloj, pluraj teknikaj decidoj poziciigis Atari BASIC preskaŭ ĉe la malsupra rango rilate al rendimento. La originalaj aŭtoroj traktis plej multajn el tiuj problemoj en serio de plibonigitaj versioj : BASIC A+ (1981), BASIC XL (1983), kaj BASIC XE (1985).
La kompleta, notita fontkodo kaj dezajnaj specifaĵoj de Atari BASIC estis publikigitaj kiel The Atari BASIC Source Book en 1983.[1]