Bensheim

Ĝemelurboj
	Beaune • Amersham • Mohács • Riva del Garda • Kłodzko • Hostinné vd

	Bensheim
Bensheim (Germanio)
urba komunumo de Germanio
Ĝemelurboj
	Beaune • Amersham • Mohács • Riva del Garda • Kłodzko • Hostinné vd
Administrado
Federacia lando	Hesio
Distriktaro	Distriktaro Darmstadt
Distrikto	Distrikto Bergstraße
Urborajtoj	Urbo (Stadt)
Telefona antaŭkodo	06251
Poŝtkodo	64625
Aŭtomobila kodo	HP
Oficiala Municipokodo	06431002
Subdivido	10 urbopartoj (Stadtteile)
Politiko
Komunumestro	Rolf Richter
Partio de komunumestro	CDU
Adreso de la administrejo	Kirchbergstraße 18
Demografio
Loĝantaro	42089 (stato 2022-12-31) [fonto: landa statistika oficejo]
Geografio
Geografia situo	49° 41′ N, 8° 37′ O (mapo)49.6811111111118.6227777777778Koordinatoj: 49° 41′ N, 8° 37′ O (mapo)
Alto super la marnivelo	115 m
Areo	57,83 km²
Oficiala retejo	https://www.bensheim.de/
	v • d • r

Bensheim [benshajm] estas germana urbo en la sudo de la federacia lando Hesio. Ĝi apartenas al la distrikto Bergstraße kaj al la administra distriktaro Darmstadt. La aŭtoŝoseoj A5 kaj A67 ligas ĝin al la proksimaj urboj Darmstadt kaj Frankfurto ĉe Majno norde kaj al la simile proksimaj Heidelberg kaj Mannheim sude. Fine de la jaro 2022 la urbo havis 16 734 loĝantojn sur areo de 57,83 kvadrataj kilometroj, kio rezultigas loĝdenson de 722 loĝantoj/km².

Geografio

Bensheim apartenas al la geografia regiono "Monta Vojo", transira zono inter la mezalta montaro Odenvaldo oriente kaj la vasta ebenaĵo de la rivero Rejno, ĉizita de ampleksaj glaĉeroj dum la lasta glaciepoko, okcidente. La regiono jam en la antikva epoko de la Romia Imperio kaj despli en la eŭropa mezepoko estis grava trafika vojo inter sudo kaj nordo, ĉar kvankam la montoj de la mezalta montaro Odenvaldo ne estas aparte altaj, tamen eblis multege pli komforte voji en la ebenaĵo, kaj la homoj evitis la energioraban montaron la vojaĝis rande de ĝi. Multaj historiaj urbetoj kaj ankaŭ mezepokaj burgoj ĉe la unuajn montoj rande de la ebenaĵoj atestas pri la signifa historia trafiko.

Subdividaĵoj

Urbopartoj krom la centra loĝloko Bensheim estas Auerbach (kun mezepoka burgo nomata kastelo Auerbach kaj eksnobela angleca parko) norde, Fehlheim okcidente, Gronau sudoriente, Hochstädten nordoriente, Langwaden okcidente, Schönberg (kun samnoma historia kastelo) oriente, Schwanheim okcidente, Wilmshausen oriente kaj Zell sudoriente.

Historio

Antaŭ 765

De la neolitiko estis silikoj de Le Grand-Pressigny. Oni trovis ankaŭ spurojn de rubandaj ceramikaĵoj kaj ŝnuraj ceramikaĵoj. Dum la jaro 765 la urbo en la kodekso de Lorsch estis menciita unuafoje sub la nomo Basinsheim.

Vidindaĵoj

En la urbo estas multaj mezepokaj trabfakaj domoj, interalie la domo Wambolter Hof kaj en suda Hesio plej malnova trabfaka domo Walderdorffer Hof (bildojn vidu sube). Super la urbo tronas romantika ruino de Kastelo Auerbach (bildo same sube), el kiu eblas panorame vidi tre vastan parton de la rejna valo okcidente, en taŭga vetero ĝis la mezmontaro Vogezoj en Francio. Alia bela loko de la urbo estas la parko Fürstenlager, realigita dum 1790, en flanka valo de la mezmontaro Odenwald. La parkaj domoj de antaŭ pli ol 200 jaroj restis neŝanĝitaj, kaj vidindas interalie la plej malnova sekvoja arbo de Germanio.

Sankta Vendredo laŭ suditalia maniero

En la jaro 1983-a italaj enmigrintoj fondis Vivan Vojon de la Kruco, kiu montras la pasiono de Jesuo Kristo kiel teatraĵo en la stratoj de la urbo simile al kutimoj en la regiono Kampanio en Italio. La t. n. Bensheima pasiona ludo (germane Bensheimer Passionsspiel) komencas je la deka horo kaj duono, daŭras ĉirkaŭ unu horon kaj duono, estas germanlingve presentata de italoj kaj germanoj kaj altiras plurajn milojn da spektantoj ĉiujare.

Lokaj famuloj

Franz Heinrich Metzendorf (1866–1923), arkitekto
Georg Metzendorf (1874–1934), arkitekto
Joseph Stoll (1879–1956), historiisto
Norbert Müller-Everling (n. en 1953), modernisma skulptisto
Wilhelm Weyrauch (1914–2003), historiisto

Partneraj urboj

Beaune en Francio
Amersham (Britio)
Mohács en Hungario
Riva del Garda en Italio
Kłodzko en Pollando (ĝis 1945 germane Glatz)
Hostinné en Ĉeĥio
Manlay en Francio ekde 1968 (fakte kun Zell, nun urboparto de Bensheim)

Rilatoj al Esperanto

De la 8-a ĝis la 15-a de aŭgusto 2009, la renkontiĝo Festo organizata de la franca asocio JEFO, kun la helpo de GEJ, okazis en la norde tutnajbara urbeto Zwingenberg, nur kilometron norde de la urboparto Auerbach de Bensheim. Pluraj esperantistoj proksime ligiĝas al la urbo: ekzemple kvar kilometrojn pli norde, en Alsbach-Hähnlein, vivas la familio de Thomas Pusch kaj Remi Rudaitytė, kaj ok kilometrojn pli norde, en Seeheim-Jugenheim, la ekologo Eki Woite. Inter la ĝemelaj urboj, esperantistoj aparte aktivas en Beaune. Krome, en la ĝemela urbo Kłodzko (ĝis 1945 germane Glatz en prusa Silezio) ripete okazas la Internacia Konkurso de la Esperanto-Kanto, en la urba Muzeo de la Tero.^[1]