Beba industrio
En ekonomiko, beba aŭ infana aŭ komenca industrio estas nova industrio, kiu en ĝiaj fruaj stadioj ne kapablas konkuri kun establitaj konkurantoj eksterlande. Registaroj foje estas instigitaj por apogi la evoluon de bebaj industrioj, kutime per subvencioj aŭ favoraj tarifoj.
Unu el la unuaj leĝoj de la Usona Kongreso estis enkonduki tarifojn je gamo da importitaj varoj inkluzive de kotono, ledo, kaj diversaj formoj de vestaĵo, klopodante protekti la usonan teksan industrion. Ekonomikistoj argumentas ke ŝtata subteno por bebindustrioj estas nur pravigita, se ekzistas eksteraj avantaĝoj.
