Eschert
| Eschert | |
|---|---|
 | |
 | |
| komunumo en Svislando | |
| Kantono | Berno |
| Administra distrikto | Berna Ĵuraso |
| Malnova distrikto ĝis 2009 | Moutier |
| Geografia situo | CH1903: 597021 / 124997 (mapo)46.2763888888897.4Koordinatoj: 46° 17′ N, 7° 24′ O; CH1903: 597021 / 124997 (mapo) |
|
| |
| Nombro de loĝantoj | 378 |
| Areo | 6,56 km² |
| Alteco | 596 m super marnivelo |
| Poŝtkodo | 2743 |
| Komunumkodo | 0692 |
 | |
Eschert estis ĝis la 31-a de decembro 2009 komunumo de la distrikto Moutier kaj ekde la 1-a de januaro 2010 komunumo de la administra distrikto Berna Ĵuraso en Kantono Berno, Svislando. Ĝi havis 378 loĝantojn je la 31-a de decembro 2009.
Geografio
[redakti | redakti fonton]Eschert situas en la tiel nomita Granda Valo (france Grand Val) oriente de la iama distriktĉefurbo Moutier, ĉe la suda bordo de la rivero Rause, kiu trafluas la Grandan Valon de okcidento al oriento kaj en Moutier alfluas al Birs. Al la komunumo apartenas krom la kerna vilaĝo mem la setlejoj Champ Leuchu, Neufs Prés kaj tute en la sudo sur la kresto de la plej suda ĵurasa montĉeno Bergerie d'Eschert.
Najbaraj komunumoj
[redakti | redakti fonton]La komunumo Eschert limas en nordo al Belprahon, en oriento al Grandval, en sudoriento al Gänsbrunnen (SO), en sudokcidento al Court, kaj en okcidento al Moutier.
Trafiko
[redakti | redakti fonton]Tra Eschert pasas la kantona ĉefvojo n-ro 30 de Balsthal al Moutier. Al la publika transportreto la komunumo estas konektita per buslinio, kiu cirkulas inter Belprahon kaj Moutier. Okcidente de Eschert pasas la svisa aŭtovojo A16, al kiu rekte ĉe la komunuma limo ekzistas alveturejo.
Historio
[redakti | redakti fonton]La unua dokumenta mencio de Eschert datiĝas el la jaro 1179 kiel Escert. Dum mezepoko ĝis la Franca Revolucio Eschert apartenis al la paroĥaro Moutier-Grandval, kiu siavice apartenis al la princepiskopejo Bazelo. De 1798 ĝis 1813 Eschert apartenis al Francio, unue al la departemento Mont-Terrible kaj poste al la departemento Haut-Rhin. En la jaro 1815 Eschert per la Viena Kongreso estis atribuita al la Kantono Berno kaj fariĝis parto de la distrikto Moutier, kiu je la 1-a de januaro 2010 estis integrita al la administra distrikto Berna Ĵuraso. [1]
Notoj kaj referencoj
[redakti | redakti fonton]Eksteraj ligiloj
[redakti | redakti fonton]- Oficiala retejo de la komunumo Eschert
- Eschert en la Historia Leksikono de Svislando (germane, france, itale)
Bildoj
[redakti | redakti fonton]-
Vilaĝeniro ĉe la kantona ĉefvojo n-ro 30 -
Komunuma domo -
Rigardo de Eschert al Moutier kaj al la ponto de la svisa aŭtovojo A16 -
Vojindikilo en la vilaĝocentro
| ||||||
| ||||||
.jpg)