Blitzingen

Blitzingen
	Blazono de Blitzingen
	Blazono de Blitzingen
	Blitzingen
	Blitzingen
vilaĝo • former municipality of Switzerland
Kantono	Valezo
Distrikto	Goms
Koordinatoj	46° 26′ 46″ N 8° 12′ 0″ O / 46.44611 °N, 8.20000 °O (mapo)Koordinatoj: 46° 26′ 46″ N 8° 12′ 0″ O / 46.44611 °N, 8.20000 °O (mapo)
Nombro de loĝantoj	83
Areo	11,81 km²
Alteco	1290 m super marnivelo
Poŝtkodo	3989
Komunumkodo	6055
	Mapo de Blitzingen
	Situa mapo de Blitzingen
	v • d • r

Por samtitola artikolo vidu la paĝon Blitzingen (stacidomo).

Blitzingen estas komunumo en la distrikto Goms en Kantono Valezo, Svislando. Ĝi havis 83 loĝantojn je la 31-a de decembro 2012.

Geografio

La komunumo Blitzingen Blitzingen situas en supra Valezo ĉe la bordo de la rivero Rodano, kaj etendiĝas ambaŭflanke de la rivero al flankaj valoj. La komunumo konsistas el la vilaĝoj Bodme, Wiler, Ammern kaj Gadmen.^[1]

La teritorio de la komunumo etendiĝas sur areo de 11,81 km², de kiuj 26,2 % estas kovritaj de arbaro, 34,8 % servas por agrikulturo kaj 1,4 % por setlado. ^[2]

Najbaraj komunumoj

La komunumo Blitzingen limas en nordo kaj oriento al Grafschaft en sudsudoriento al Ernen, en sudokcidento al Niederwald, kaj en nordokcidento al Bellwald.

Trafiko

Tra Blitzingen pasas la kantona ĉefvojo n-ro 19 de Brigo trans Furko-Pasejo al Andermatt. Pere de la stacidomo ĉe la trajnlinio de la Matterhorn-Gotthard-Fervojo la komunumo estas konektita al la publika transportreto.

Historio

La unua dokumenta mencio de Blitzingen datiĝas el la jaro 1203 kiel Blicingen. Dum mezepoko la episkopo de Siono kaj la nobelaj senjoroj de Raron, Restin kaj Blandrate posedis feŭdajn rajtojn en Blitzingen. Blitzingen siatempe apartenis al la supera kvartalo de Goms kaj estis kunsidejo de la Dekono Goms.^[3]

Bodmen, kies unua mencio datiĝis el la jaro 1339 sin liberaĉetis en la jaro 1347 de ĉiuj feŭdoj kaj estis ĝis 1848, kiam ĝi estis integrita al Blitzingen, memstara komunumo.^[4]