Bob Woodward
| Bob Woodward | |||||
|---|---|---|---|---|---|
| |||||
| Persona informo | |||||
| Bob Woodward | |||||
| Naskonomo | Robert Upshur Woodward | ||||
| Naskiĝo | 26-an de marto 1943 (81-jaraĝa) en Geneva | ||||
| Lingvoj | angla vd | ||||
| Ŝtataneco | Usono  vd
| ||||
| Alma mater | kolegio Yale (–1965) Wheaton Warrenville South High School (en)  Universitato George Washington kolegio Ezra Stiles vd
| ||||
| Familio | |||||
| Patro | Alfred Eno Woodward Jr. (en) vd
| ||||
| Profesio | |||||
| Okupo | verkisto ĵurnalisto vd
| ||||
| Verkado | |||||
| Verkoj | All the President's Men vd | ||||
| |||||
| |||||
| En TTT | Oficiala retejo vd | ||||
| vd | Fonto: Vikidatumoj | ||||
Robert Upshur "BOB" WOODWARD (naskita la 26a de marto 1943) estas usona enketa ĵurnalisto. Li komencis labori por The Washington Post kiel reportero en 1971 kaj nun tenas la honora titolo de asociita redaktoro kvankam la tiu gazeto ne plu laborigas lin [1][2]. Laborinte kiel raportisto por la Washington Post, kune kun Carl Bernstein, li malkovris la fonon al la Afero Watergate, kiu fine kaŭzis la demision de la prezidanto Richard Nixon [3].
Aktuale de 2024, li verkis 21 enketajn verkaĵojn pri usona politiko kaj nuntempaj aferoj, 14 el kiuj furoris en la listo de plej bone-venditaj libroj.
Vivo
[redakti | redakti fonton]Woodward, filo de Respublikana juĝisto, studis en Universitato Yale kaj servis en la Usona Mararmeo de 1965 ĝis 1970. Li nun estas Helpa Administra Redaktoro de The Washington Post. Kiel raportisto por la usona ĉefurbo gazeto en 1972 kaj 1973, li kaj Bernstein malkovris la fonon de la Watergate-afero kaj ricevis helpon de sekreta informanto nomita Deep Throat, kiu estis membro de la FBI. La 31-an de majo 2005, lia identeco estis rivelita: Mark Felt, la dua plej alta estrarano en la FBI tiutempe. La Washington Post ricevis la Premion Pulitzer en 1973 pro liaj esploroj. Ekde tiu tempo, Woodward estis longe konsiderita stelulraportisto kaj estis unu el la plej serĉataj ĵurnalistoj en Usono. Ekde lia pozitiva engaĝiĝo al George W. Bush post la atencoj de la 11-a de septembro 2001, li ankaŭ fariĝis pli kaj pli estimata de konservativuloj. Tamen, kun lia libro State of Denial, publikigita en oktobro 2006, Woodward distancigis sin de prezidanto Bush kaj pentris multe pli negativan bildon de liaj kapabloj kaj lia registaro [4].
Tamen, la bona reputacio de Woodward suferis en novembro 2005: en esplordemandado de speciala enketisto Patrick Fitzgerald, al kiu estis konfidita la Plame-afero, li devis koncedi ke li estis konscia pri la maldiskretaĵoj de registaraj dungitoj kiuj kaŭzis la revelacion de CIA agento Valerie Plames ekde 2003. The Washington Post priskribis ĉi tiun delikton kiel gravan "eraron" [5][6].
Lia libro Timo: Trump en la Blanka Domo estis publikigita en septembro 2018, kiu disponigas sciojn pri la Blanka Domo kaj pentras malhelan bildon de la administrado de prezidanto Donald Trump. La libro vendis 1,1 milionojn da kopioj en la unua semajno kaj rompis la vendorekordon de la eldonisto en unu tago: 900 000 ekzempleroj.
En septembro 2020, alia libro, Rage, malkaŝis, ke Donald Trump konsciis pri la danĝero de koronaviruso, sed intence malgravigis la danĝeron por ne kaŭzi panikon inter la enloĝantaro. Interalie, Woodward publikigis plurajn leterojn inter Donald Trump kaj nordkorea diktatoro Kim Ĝong-un.
Verkaro
[redakti | redakti fonton]- All the President's Men ( Ĉiuj homoj de la prezidanto ). 1974. Pri la Skandalo Watergate. ISBN 0-671-21781-X, kune kun Carl Bernstein
- La Finaj Tagoj. 1976. Pri la eksiĝo de Nixon ISBN 0-671-22298-8 ; kune kun Carl Bernstein
- La Fratoj. 1979. Pri la kasacia kortumo en la jaroj Warren Burger ; ISBN 0-671-24110-9 ; kune kun Scott Armstrong
- Kabligita. 1984. Pri la Morto kaj Drogo-misuzo de John Belushi en Holivudo ISBN 0-671-47320-4
- Vualo: La Sekretaj Militoj de la CIA. 1987. Pri la "Sekretaj Militoj" de la CIA dum la permanenta ofico de William J. Casey ISBN 0-671-60117-2
- La Komandantoj. 1991. Pri La Kvinangulo, la unua Bush-registaro kaj la Golfa Milito ISBN 0-671-41367-8
- La Tagordo. 1994. Pri la Unua Prezidanteco de Bill Clinton ISBN 0-7432-7407-5
- La Elekto. 1996. Pri la reelekta kampanjo de Bill Clinton ISBN 0-684-81308-4
- Ombro. 1999. Pri la Heredaĵo de Watergate kaj la Skandaloj de Postaj Prezidantecoj ISBN 0-684-85262-4
- Majstro. 2000. Pri centrabanka guberniestro Alan Greenspan ISBN 0-7432-0412-3
- Bush ĉe Milito. 2002. Pri la vojo al Afganio post la terora atako de la 11-a de septembro 2001 ISBN 0-7432-0473-5
- Plano de Atako. 2004. Pri Kiel kaj Kial Prezidanto George W. Bush Decidis Iri al Milito en Irako ISBN 0-7432-5547-X
- La Sekreta Viro: La Rakonto de la Profunda Gorĝo de Watergate. 2005. Pri Mark Felt kiu post pli ol 30 jaroj malkaŝis ke li estis Profunda Gorĝo. ISBN 0-7432-8715-0.
- State of Denial: Bush at War, Part III. 2006. Pri la Bush-registaro kaj la milito en Irako ISBN 0-7432-7223-4
- La Milito Ene: Sekreta Blanka Domo Historio (2006-2008). 2008. ISBN 1-4165-5897-7
- La Militoj de Obama. 2010. Pri la manipulado de la Obama registaro de la militoj en Irako kaj Afganio ISBN 978-1439172490
- La Prezo de Politiko. 2012. Pri prezidanto Obama kaj la Demokrataj kaj Respublikanaj gvidantoj de la Kongreso, kiuj provis rekonstrui la usonan ekonomion en 3,5 jaroj ISBN 978-1451651119.
- La Lasta de la Viroj de la Prezidanto. 2015. Pri Alexander Butterfield, la asistanto de Nixon, kiu elmontris la sekretan Blankdomon registradsistemon kiu ŝanĝis historion kaj kaŭzis la eksiĝon de Nixon ISBN 978-1501116445.
- Fear (Timo): Trump en la Blanka Domo. 2018. ISBN 9781471181306.
- Rage (Kolerego). 2020. ISBN 9781982131739.
- Peril (Danĝero, septembro 2021),kune kun Robert Costa[7]
- The Trump Tapes: Bob Woodward's Twenty Interviews with President Donald Trump (januaro 2023) (ISBN 978-1668028148) [8]
- War (Milito, oktobro 2024) [9] (ISBN 978-1668052273).
Referencoj
[redakti | redakti fonton]- ↑ "Bob Woodward". The Washington Post. Retrieved September 4, 2018.
- ↑ Sullivan, Margaret, "Perspective | Should Bob Woodward have reported Trump's virus revelations sooner? Here's how he defends his decision.". (en-US)
- ↑ Petrie, Emma, "Woodward and Bernstein: Watergate reporters warn of the limitations of AI", BBC News, 2023-05-18. (en-GB)
- ↑ . Interviews – Bob Woodward. Alirita March 4, 2016.
- ↑ "Woodward Was Told of Plame More Than Two Years Ago", November 16, 2005. (en-US)
- ↑ . Bob Woodward's Biggest Failure: Iraq. The Nation (March 7, 2013). Arkivita el la originalo je 8 May 2013. Alirita March 8, 2003.
- ↑ Woodward, Bob. (2021-09-21) Peril (angle). Simon & Schuster. ISBN 978-1-9821-8291-5.
- ↑ Woodward, Bob. (2023-01-17) The Trump Tapes (angle). Simon and Schuster. ISBN 978-1-6680-2814-8.
- ↑ Italie, Hillel, "Bob Woodward's next book, 'War,' will focus on conflict abroad and politics at home", AP, August 7, 2024.
Eksteraj ligiloj
[redakti | redakti fonton]- Oficiala persona retejo
- Bob Woodward ĉe La Vaŝingtona Poŝto
- Bob Woodward Biografio kaj Intervjuo kun Usona Akademio de Atingeco
- Bob Woodward ĉe Interreta filma datumbazo (angle)