Wangen-Brüttisellen
| Wangen-Brütisellen | |
|---|---|
 | |
-Preghejo_872.jpg) | |
| komunumo en Svislando | |
| Kantono | Zuriko |
| Distrikto | Uster |
| Koordinatoj | 47° 24' N, 8° 38' E |
|
| |
| Areo | 7,90 km² |
| Alteco | 465 m super marnivelo |
| Poŝtkodo | 8602 |
| Komunumkodo | 200 |
 | |
Wangen-Brüttisellen estas komunumo en la distrikto Uster en la svisa Kantono Zuriko. Ĝi havis 7056 loĝantojn je la 31-a de decembro 2007.
Geografio
[redakti | redakti fonton]-Faktrabdomo_en_la_centro_877.jpg)
Wangen-Brüttisellen situas en Glattvalo en la plej norda parto de la distrikto Uster. Ĝi konsistas el la du municipoj Wangen kaj Brüttisellen, kiuj en la jaro 1831 estis kunigitaj al unu politika komunumo. Dum Brüttisellen komplete industriiĝis, Wangen povis konservi grandparte sian kamparecan aspekton.
Trafiko
[redakti | redakti fonton]Wangen-Brüttisellen estas per busoj bone konektita al la reto de la Zurika Trafik-Unio. La veturado al la stacidomoj de Dietlikon aŭ Stettbach en Zuriko ĉe la limo de Dübendorf buse daŭras malpli ol 10 minutojn.
Ekonomio
[redakti | redakti fonton]En Brüttisellen troviĝas distribuejoj de pluraj grandmagazenoj kiel ekzemple Koka-kolao. La komunumoj de la tuta regiono formas praktike unu grandan industri- kaj komerccentron, kiu estas komplete ligita kun la urbo Zuriko. La regiono bone prosperas kaj senlaboreco praktike ne ekzistas.
Historio
[redakti | redakti fonton]-Vilagha_puto_878.jpg)
Tombmonteto el la Hallstatt-kulturo (500-800 antaŭ Kristo) pruvas, ke la regiono de Wangen-Brüttisellen loĝata. En la jaro 1192 Wangen estis donacita al la Johanitoj de Bubikon far la Togenburganoj. En la jaro 1618 la urbo Zuriko aĉetis la komunumon Wangen. Ekde la jaro 1831 la municipoj Wangen kaj Brüttisellen formas kune la politikan komunumon Wangen-Brüttisellen.
Blazono
[redakti | redakti fonton]
La blazono de la municipo Wangen montras kanabtigon. Ĝi per decido de la komunuma konsilataro de la jaro 1934 fariĝis la oficiala blazono de la komunumo Wangen-Brüttisellen.
La municipo Brüttisellen havas ankaŭ propran blazonon, kiu montras rozon. La rozo memorigas al la legendo, laŭ kiu en mezepoko nur du fratinoj postvivis la peston. Ili edziniĝis al rapersvilanoj, kio kaŭzis, ke Brüttisellen fariĝis tributdeva al Rapperswil. La rozo en la blazono ŝajanas esti atesto por tiu legendo.
Kvankam la blazono de Wangen estas la oficiala blazono por ambaŭ komunumoj en la plej multaj oficialaj dokumentoj de la komunumo aperas ambaŭ blazonoj.
Eksteraj ligiloj
[redakti | redakti fonton]
| ||||||
