CP/M
CP/M,[1] originale signifante Control Program/Monitor[2] kaj poste Control Program for Microcomputers, estas amasmerkata operciuma sistemo kreita en 1974 por Intel 8080/85-bazitaj mikrokomputiloj fare de Gary Kildall de Digital Research, Inc..
CP/M estas diskmastruma sistemo kies celo estas organizi dosierojn en magneta stokadomedio kaj ŝargi kaj ekzekuti programojn konservitajn sur disko. Komence limigita al unutaska funkciado sur 8--bitaj procesoroj kaj ne pli ol 64 kilobajtoj da memoro, pli postaj versioj de CP/M aldonis plurumuzajn variaĵojn kaj estis migrigitaj al 16-bitaj procesoroj.
CP/M fine fariĝis efektiva normo kaj la domina operaciuma sistemo por mikrokomputiloj de tiu tempo,[3] kune kun la komputillinio S-100. Ĉi tiu komputila platformo estis vaste uzata en komerco tra la malfruaj 1970-aj jaroj kaj ĝis la mezaj 1980-aj jaroj. CP/M pligrandigis la merkatan amplekson por kaj aparataro kaj programaro, signife reduktante la kvanton da programado bezonata por adapti aplikaĵon al la komputilo de nova fabrikanto. Grava instigilo de programara novigado estis la apero de (kompare) malmultekostaj mikrokomputiloj kiuj funkciis per CP/M, ĉar sendependaj programistoj kaj kodumuloj aĉetis ilin kaj interŝanĝis siajn kreaĵojn ene de uzantgrupoj.[4] CP/M estis finfine superita laŭ populareco de DOS post la enkonduko de IBM PC en 1981.