Carrazeda de Ansiães

Carrazeda de Ansiães
urbo de Portugalo (1075 (Gregoria)–); municipo de Portugalio vd
Flago	Blazono
Administrado
Poŝtkodo	5140
En TTT	Oficiala retejo [+]
Demografio
Loĝantaro	6 373 (2011) [+]
Loĝdenso	23 loĝ./km²
Geografio
Geografia situo	41° 15′ N, 7° 18′ U (mapo)41.25-7.3Koordinatoj: 41° 15′ N, 7° 18′ U (mapo) [+]
Areo	279,24 km² (27 924 ha) [+]
	Carrazeda de Ansiães (Portugalio)
	Situo de Carrazeda de Ansiães
Alia projekto
	Vikimedia Komunejo Carrazeda de Ansiães [+]
	v • d • r

Carrazeda de Ansiães estas portugala urbeto kun ĉirkaŭ 1 706 loĝantoj, en la sudokcidento de la Distrikto Bragança, en la subregiono Douro de la norda regiono.

Ĝi estas la sidejo de la municipo Carrazeda de Ansiães, kun 279,24 km² de areo kaj 5 494 loĝantoj (2021), subdividita en 14 fregezioj. La municipa teritorio limas norde kun Murça kaj Mirandela, nordoriente kun Vila Flor, oriente kun Torre de Moncorvo, sude kun Vila Nova de Foz Côa, sudokcidente kun São João da Pesqueira kaj okcidente kun Alijó.

Historio

La areo jam estis loĝata en prahistoria epoko (dolmeno), en la epoko de kastrumoj kaj dum la Romia Imperio (romiaj vojoj). La areo estis konkerita en la 1060-aj jaroj. La municipo havis sidejon en la iama urbeto Ansiães; ties ruinoj, sude de la aktuala municipa sidejo, estas sur monteto proksime de la domaro Lavandeira. La municipo ricevis foruon en 1075, kaj ĝian statuson de vila (urbeto) konfirmis Johano la 5-a la 6a de Aprilo 1734. En la 19-a jarcento la municipan sidejon oni transigis de Ansiães al Carrazeda, kaj la antikva vila estis abandonita.

La pilorioj kaj foruoj simbolas la aŭtonomecon de la tiamaj municipoj kaj atestas pri la administraciaj ŝanĝoj.

La loĝantaro de la municipo atingis pli ol 15 000 loĝantojn en la 1960-aj jaroj, sed poste malpliiĝis pro elmigrado ĝis nunaj 5 000; tio estas, oni perdis du trionojn.

Submunicipoj

Carrazeda de Ansiães havas la jenajn fregeziojn:

Amedo e Zedes
Belver e Mogo de Malta
Carrazeda de Ansiães
Castanheiro do Norte e Ribalonga
Fonte Longa
Lavandeira, Beira Grande e Selores
Linhares
Marzagão
Parambos
Pereiros
Pinhal do Norte
Pombal
Seixo de Ansiães
Vilarinho da Castanheira

Vidindaĵoj

Pilorioj de Carrazeda de Ansiães; de Ansiães; de Linhares; de Vilarinho da Castanheira
Kastelo de Ansiães aŭ Kastelo de Carrazeda de Ansiães
Blazondomoj Casa de Selores; Solar de Sampaio, Linhares; Solar de Mariz, Amedo; Casa da Carranca, Amedo;Solar dos Barbosas, Zedes
Preĝejoj de São Salvador de Ansiães; de Santiago, Amedo; de Santa Eufémia kaj de São João Batista, Lavandeira; de São Miguel, Linhares;
Rokarto en Ribalonga
Dolmenoj de Vilarinho (Pala da Moura) en Vilarinho da Castanheira; de Zedes