Castellanos de Castro
| Castellanos de Castro | |||
|---|---|---|---|
 | |||
municipo en Hispanio  vd
| |||
|
|
| ||
| Flago | Blazono | ||
| Administrado | |||
| Poŝtkodo | 09227 | ||
| En TTT | Oficiala retejo [+] | ||
| Demografio | |||
| Loĝantaro | 50 (2023) [+] | ||
| Loĝdenso | 5 loĝ./km² | ||
| Geografio | |||
| Geografia situo | 42° 20′ N, 4° 2′ U (mapo)42.328333333333-4.0336111111111Koordinatoj: 42° 20′ N, 4° 2′ U (mapo) [+] | ||
| Alto | 881 m [+] | ||
| Areo | 9,928 km² (99 2.8 ha) [+] | ||
| Horzono | UTC+01:00 [+] | ||
| |||
| |||
|
| |||
| Alia projekto | |||
 Vikimedia Komunejo Castellanos de Castro [+]
| |||
Castellanos de Castro [kasteLJAnos deKAStro] estas loĝloko kaj municipo en la okcidento de la provinco Burgoso, en la regiono Kastilio-Leono, Hispanio. Ĝi apartenas al la komarko Odra-Pisuerga. La loknomo Castellanos de Castro estas etimologie komprenebla kiel Kastilianoj de Fortikaĵo.
Geografio
[redakti | redakti fonton]Ĝia municipa teritorio okupas totalan areon de 9,93 km² kaj laŭ la demografia informo de la municipa censo fare de la INE en 2021, ĝi havis 49 loĝantojn. Ĝi perdis multajn loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono.
| 1991 | 1996 | 2001 | 2004 | |||
|---|---|---|---|---|---|---|
| 74 | 71 | 71 | 63 |
Ĝi distas 45 km de Burgoso, provinca ĉefurbo.
Historio
[redakti | redakti fonton]
La areo apartenis unue al la Regno Kastilio. En Mezepoko okazis reloĝado fine de la 9-a jarcento. En 1085 la reĝo Alfonso la 6-a donis la lokon al la Hospitalo de la Imperiestro, en Burgoso, kaj en 1128 li donis tiun hospitalon kun ties havaĵoj al la episkopo de Burgoso; tial videblas en la blazono la ŝlosiloj simbolaj de episkopeco.
Castellanos de Castro formis parton de la partido de Castrojeriz en la kategorio de izolaj loĝlokoj, unu el dek kvar kiuj formis la komunumon Intendencia de Burgos.
Aktualo
[redakti | redakti fonton]Tradiciaj enspezofontoj estis agrikulturo (cerealoj kaj vitoj) kaj brutobredado (ŝafoj). Lastatempe plej ekgravis kultura kaj rura turismo, ekzemple piedirado tra naturaj lokoj.
Inter vidindaĵoj menciindas la preĝejo de Sankta Petro kaj vinkeloj.