Chelsea Rae Moses
| Chelsea Rae Moses | |
|---|---|
| Persona informo | |
| Naskiĝo | 16-an de julio 1995 (29-jaraĝa) en Hollidaysburg |
| Lingvoj | angla • Esperanto |
| Ŝtataneco | Usono 
|
| Okupo | |
| Okupo | esperantisto (2020–) jutubisto dancisto aktoro
|
Chelsea Rae MOSES (naskiĝis la 16-an de julio 1995 en Hollidaysburg, Pensilvanio) estas usona aktorino, dancistino, jutubistino kaj esperantistino.
Ŝi lernis Esperanton en julio 2020 per Duolingo. Jam kvar monatojn poste, la 7-an de novembro 2020, ŝi debutis kiel esperantista jutubistino per filmeto, en kiu ŝi prezentis sin dulingve en la angla kaj Esperanto. Ĝis majo 2021, ŝi publikigis pli ol 40 pliajn filmetojn en Esperanto en sia jutuba kanalo "Chat with Chelsea". Ŝiaj temoj estas i.a. la lernado de Esperanto kaj de aliaj lingvoj, la kronvirusa pandemio, politiko kaj intervjuoj kun famaj esperantistoj.
En januaro 2021, ŝi unuafoje prezentis kanton en Esperanto, nome sian tradukon de "Lavango" ("Landslide") de Fleetwood Mac. Ĝin sekvis en aprilo 2021 ŝia originala kanto "For".
Eksteraj ligiloj
[redakti | redakti fonton]- YouTube‑kanalo "Chat with Chelsea"