Computer Games Magazine
| Computer Games Magazine | |
| |
| revuo | |
|---|---|
| Periodeco | Ĉiumonata |
|
| |
| Lando |  Usono
|
| Urbo | Fort Lauderdale (Florido) |
| Publikigisto | theGlobe.com |
| Establodato | Oktobro 1988 (kiel Games International) |
| Ĉesigita publikado | Aprilo 2007 |
|
| |
| Retejo | |
Computer Games Magazine estis ĉiumonata komputila kaj videoluda presita revuo, unue fondita en oktobro 1988 kiel la brita publikaĵo Games International. Dum sia historio, ĝi estis konata diversmaniere kiel Strategy Plus (oktobro 1990, 1-a numero[1]) kaj Computer Games Strategy Plus,[2] sed fine ŝanĝis sian nomon al Computer Games Magazine post aĉeto fare de theGlobe.com.[3] Kiam ĝi ĉesis publikigon en aprilo 2007, ĝi havis rekordon kiel la dua plej longe daŭranta presita revuo ekskluzive dediĉita al komputilaj ludoj kun 196 eldonoj, post Computer Gaming World.[2] En 1998 kaj 2000, ĝi estis la tria plej granda revuo pri ĉi tiu fako en Usono.[4][5]
Historio
[redakti | redakti fonton]La origina ĉefredaktoro de la revuo, Brian Walker, vendis Strategy Plus al la usona revendisto Chips & Bits en 1991. Bazita en Vermonto kaj posedata de Tina kaj Yale Brozen, Chips & Bits renomigis Strategy Plus al Computer Games Strategy Plus post la aĉeto.[3] Ĝia cirkulado altiĝis ĝis ĉirkaŭ 130,000 ekzempleroj monate meze de la 1990-aj jaroj.[6] En 1998, Computer Games Strategy Plus estis la tria plej granda komputila ludrevuo en Usono, kun entuta cirkulado de 184 299 unuoj po numero. Laŭ ĉefredaktoro Steve Bauman, ĉi tiu nombro eĉ kreskis ĝis 220 000 en 1999.[4] Chips & Bits estis aĉetita de theGlobe.com en januaro 2000,[7] kune kun Computer Games Strategy Plus kaj ĝia eldonejo, Strategy Plus, Inc.[5]
Ĝis marto 2000, la cirkulado de Computer Games atingis 240,000 ekzemplerojn. Ĉirkaŭ 300,000 ekzempleroj de ĉiu numero estis presitaj monate. Ĝi restis la tria plej granda komputila ludrevuo en Usono ĝis tiu dato, laŭ Yale Brozen. La redaktoro de la eldonaĵo, Ed Mitchell, ankaŭ taksis ke ĝi estis la plej granda revuo el Vermonto en iu ajn kampo. Ĝia oficiala retejo, cdmag.com, averaĝe ricevis unu milionon da unikaj vizitoj monate komence de 2000.[5] La revuo daŭre spertis grandan kreskon en la jaro 2000. La taksagentejo BPA International registris ĝian averaĝan cirkuladon de julio ĝis decembro je 374,576 ekzempleroj, dum la decembra numero atingis 450 515. Computer Games Magazine estis poste redesegnita, ekde sia numero de junio 2001.
Computer Games Magazine sekve lanĉis fratrevuon, MMO Games Magazine, en 2006.[8] La 13-an de marto 2007, ambaŭ revuoj estis fermitaj fare de theGlobe.com, post kiam tiu kompanio estis trafita de plurmiliona dolara verdikto en proceso pri la retpoŝta spamo de MySpace.[2]
Referencoj
[redakti | redakti fonton]- ↑ Strategy Plus: All Issues. Alirita December 26, 2018.
- ↑ 2,0 2,1 2,2 Report:Computer Games Magazine, Massive Shut Down. Gamasutra (March 13, 2007). Arkivita el la originalo je March 15, 2007.
- ↑ 3,0 3,1 Gish, Harrison. (August 16, 2012) Wolf, Mark J. P.: The Encyclopedia of Video Games: The Culture, Technology, and Art of Gaming 1. ABC-CLIO, p. 131, 132. ISBN 031337936X.
- ↑ 4,0 4,1 Asher, Mark (March 10, 1999) Imagine Shuts Down PC Games. CNET Gamecenter. Arkivita el la originalo je August 17, 2000.
- ↑ 5,0 5,1 5,2 Vaughan-Hughes, Pip (March 2000) Games People Play. Business People Magazine. Arkivita el la originalo je April 14, 2000.
- ↑ Bauman, Steve (November 2000). “A Decade of Gaming”, Computer Games Magazine (120), p. 56–58, 60, 62, 66, 68, 70–76.
- ↑ Asher, Mark (January 18, 2000) Theglobe.com Buys Chips & Bits. CNET Gamecenter. Arkivita el la originalo je August 17, 2000. Alirita July 8, 2019.
- ↑ Maragos, Nich (March 17, 2006) Computer Games To Launch MMO-Themed U.S. Print Magazine. Gamasutra. Arkivita el la originalo je July 31, 2007.