Conejera [koneĤEra] (en la hispana, kun signifo Kuniklejo) estas la nomo de malgranda insulo en la regiono Kantabrio kadre de Hispanio. La insulo situas en la Kantabra Maro aŭ Biskaja Golfo de la Atlantika Oceano. La kontinenta marbordo de la Iberia Duoninsulo situas en distanco de malpli ol 500 metroj. Plej proksima pli granda loĝloko estas la loko Suances [sŭAnθes], centro de samnoma municipo: ĝis la plaĝo de Suances estas iom malpli ol 3 kilometroj.
