Dagbladet

	Dagbladet
taggazeto • retgazeto
Speco	ĉiutaga
Redaktisto	liberalismo
Establodato	1869
Fondinto(j)	Anton Bang vd
Politiko/; Ideologio	liberalismo
Posedata de	Aller Media vd
Stabo	ĉefredaktoro Frode Hansen, administra direktoro Alexandra Beverfjord (ekde junio 2023)
Retejo	Oficiala retejo
	v • d • r

Dagbladet (laŭvorte: la taggazeto) estas norvega taga gazeto. Ĝi estis fondita en Oslo en 1869 kaj daŭre estas publikigita tie hodiaŭ. Laŭ cirkulado, Dagbladet estis la tria plej granda gazeto en la lando en 2022 post Verdens Gang (VG) kaj Aftenposten. Laŭ nombro da legantoj Dagbladet estas mezurita kun 780 000 ĉiutagaj legantoj (en januaro 2006), kaj laŭ tiu nombro estas la dua plej granda gazeto en Norvegio. Dagbladet tradicie estis radikala liberala organo kaj estas publikigita en Bokmål, la plej vaste uzata maniero por skribi la norvegan lingvon. Kvankam ambaŭ gazetoj havas malsamajn enhavajn profilojn, Verdens Gang (VG) estas la ĉefa konkuranto de Dagbladet.

De 2008 ĝis 2015, la redakciejo kaj produktejo de la gazeto situis en la historia stokkonstruaĵo Havnelageret en Oslo. Post kiam la konzerno Aller aĉetis Dagbladet, la gazeto moviĝis en 2015 al konstruaĵo en la kvartalo Hasle de la centra urbodistrikto Grünerløkka, kie la resto de la Aller-publikaĵoj situas. La gazeta redakcio retenis oficejon ĉe Pilestredet 8 en la urbocentro. De 2018 ĝis junio 2023, Alexandra Beverfjord estis ĉefredaktoro kaj ankaŭ estis vicdirektoro de la gazeto. Ŝian ĉefredaktoran rolon tiam transprenis Frode Hansen, Alexandra Beverfjord daŭre laboras kiel administra direktoro.

Historie cetere interalie la norvega poeto Olaf Bull (1882-1933) laboris kiel ĵurnalisto de la gazeto.

Vidu ankaŭ

Pondus, bildstrio kun samnoma ĉefrolulo kreita de la norvega desegnisto Frode Øverli, kiu ekde 1995 regule aperas en Dagbladet kaj ekde 2007 en magazino de NJE aperas ankaŭ en Esperanto