Dalinka Jochmann-Spasova
| Dalinka Jochmann-Spasova | |
|---|---|
| Persona informo | |
| Naskiĝo | 6-an de januaro 1906 en Rakitovo |
| Morto | 20-an de junio 1931 (25-jaraĝa) en Langenau, nun ĉeĥe Lánov |
| Lingvoj | bulgara • Esperanto • franca • rusa • germana |
| Familio | |
| Edz(in)o | Rudolf Jochmann (1929–) 
|
| Okupo | |
| Okupo | esperantisto
|
Dalinka Jochmann-Spasova (naskiĝis je la nomo Dalinka Spasova, bulgare Далинка Спасова la 6-an de januaro 1906 en Rakitovo, bulgare Ракитово, nun en la provinco Pazarĝik de suda Bulgario) estis bulgardevena esperantistino. La 9-an de novembro 1929 ŝi en Langenau, nun ĉeĥe Lánov, edziniĝis al la germana esperantisto Rudolf Jochmann, konstrua inĝeniero el la grupo de ĉeĥaj germanoj. La esperantlingva gazetaro amplekse raportis pri la internacia movada geedziĝo,[1] kaj la Enciklopedio de Esperanto de 1934 menciis ĝin.[2] Bedaŭrinde ŝi jam mortis 25-jara la 20-an de junio 1931, nur 19 monatojn post la edziniĝo. La vidvo pluvivis en Langenau ĝis la fino de la Dua Mondmilito, kiam ĉiuj germanaj civitanoj de Ĉeĥoslovakio estis forpelitaj kaj kiel rifuĝintoj akceptiĝis en la restinta teritorio de Germanio
Referencoj
[redakti | redakti fonton]- ↑ La plej nova Esperanto-geedziĝfesto; La Marto, 1929
- ↑ listo sub la kapvorto "Geedziĝoj esperantistaj" en la Enciklopedio de Esperanto de 1934 (esperante)