Denunco

Venecio: anonimaj denunciantoj povis meti siajn (fi-)denuncojn tra la „leonbuŝoj“ (Bocca di Leone, ĉi-bildo de doĝo-palaco).

Denunco estas ago de denuncanto, do sciigo al estro, policano, juĝisto, aŭ al la publiko, pri ies kulpon aŭ krimon.

La denunco povas esti deklarita al juĝisto, al aŭtoritato aŭ ĝenerale al la publiko, ekzemple dum intervjuo aŭ pere de letero al gazeto.

Fidenunco

La fi-denunco estas denunco farita de homo, mem restante kaŝita, kun la celo damaĝi la denuncitan personon en la senco: kalumnii, diskrediti, misfamigi. Ju pli totalisma la ŝtato, des pli granda la risko / damaĝo al la denuncito.

Vortkomparo

La vortkomparo montras, ke denunco havas neŭtralan valoron en latinidaj lingvoj (fr, it), dum en ekzemple la hodiaŭa germana denunco nur havas negativan signifon de fi-denunco, kalumnio, perfido, ĝi do apartenas al la falsaj amikoj.

lingvo	denunco	fi-denunco
de - germana	de:Strafanzeige	de:Denunziation
en - angla	en:criminal complaint	en:Denunciation
es - hispana	es:Denuncia	es:Denuncia
et - estona		et:Denonsseerimine
fr - franca	fr:Dénonciation	fr:Délation
it - itala	it:Denuncia
ru - rusa	ru:Донос	ru:Денонсация
scn - sicilia	scn:Dinunzia

Vidu ankaŭ

• Sikofanto