Depresiunea Ciucului [depresjunja ĉukuluj] (Baseno Ĉiko, hungare: Csíki-medence [ĉiki]) estas norda-suda-direkta interkarpata baseno en Rumanio en Orientaj Karpatoj je 600–800 m super marnivelo inter Harghita-montaro okcidente kaj Ĉik-montaro oriente en la supera etapo de la rivero Olt. Ĝia longeco estas 63 km. kaj ĝia mezlarĝeco estas 14 km. Ĝi enhavas 71 vilaĝojn. La Terkolo Jigodin dividas la basenon en du partojn: norde de ĝi estas Ciucul de Sus kaj sude Ciucul de Jos, kiel oni nomas ilin loke. La vilaĝoj viciĝas sur la rando de la baseno. En la centro de la baseno troviĝas urbo Miercurea Ciuc. La loĝantaro de la baseno laŭ sia lingvo domine estas hungara kaj laŭ sia religio domine estas katolika. Tie troviĝas la fama pentekosta pilgrimejo Ĉikŝomjo, apartenanata nuntempe al Miercurea Ciuc.
Antal Imre: Élő történelem (studoj hungarlingve), 2000.
Garda Dezső: Főnépek, lófők, gyalogkatonák Csíkban és Gyergyóban: Csík és Gyergyó gazdasági fejlődése és népességénak alakulása 1750-ig. Státus Kiadó, Csíkszerda, 1999.
